અમદાવાદ : પુત્રએ પિતા પર કર્યો હિચકારો હુમલો, કહ્યું હજી વચ્ચે આવીશ તો ટાંટિયા ભાંગી નાખીશ

અમદાવાદ : અમદાવાદમાં લોકડાઉન વચ્ચે ચિત્ર વિચિત્ર કિસ્સાઓ સામે આવતા રહે છે.માતા પુત્ર, પિતા પુત્ર અને પતિ પત્નીનાં અલગ અલગ કિસ્સાઓ સામે આવતા રહે છે. લોકોની મન:સ્થિતી સતત કથળતી રહી છે. જે ખુબ જ ચિંતાજનક છે. આવા જ એક કિસ્સામાં પુત્રએ ઘરના ઝગડામાં પિતાને ઢોર મારમારીને ઇજાગ્રસ્ત કર્યા હતા. દીકરાએ પિતાને ઢોર માર માર્યો હતો અને ધમકી પણ આપી હતી કે જો વચ્ચે પડશો તો ટાંટિટા ભાંગી જશે.

અમદાવાદનાં ધનાઢ્ય ગણાતા સેટેલાઇટની ઘટના સામે આવી છે. જેમાં પુત્રએ સામાન્ય બાબતે પોતાનાં પિતા પર હુમલો કર્યો હતો. પિતાને ગંભીર ઇજા થતા સારવાર માટે હોસ્પિટલ લઇ જવાનો વારો આવ્યો છે. માર માર્યા બાદ આરોપી પુત્રએ પિતાને ધમકી આપી કે, અમારા ઝગડામાં વચ્ચે આવીશ તો હવે ટાંટિયા ભાંગી જશે. 

ઘટના અંગે વિગતે મળતી માહિતી અનુસાર પુત્ર પોતાની પત્ની સાથે ઝગડી રહ્યો હતો. જો કે અચાનક તેણે હાથ ઉપાડતા પિતા વચ્ચે પડ્યા હતા. જેથી ઉશ્કેરાયેલા પુત્રએ પોતાનાં પિતાને ઇંટો વડો ઢોર માર માર્યો હતો. જો કે પિતાએ પોલીસ ફરિયાદ કરતા હાલ તો પોલીસે ફરિયાદ દાખલ કરીને કાયદેસરની કાર્યવાહી હાથ ધરી છે.