વડોદરાના ભુવાનો દાવો, તેમનો જાપ કરેલો દોરો પહેરવાથી કોરોના ભાગી જશે

રવિ અગ્રવાલ/વડોદરા :હવે દેશ દુનિયામાં કોરોનાના નામે અંધશ્રદ્ધા વ્યાપી રહી છે. આવામાં લોકો તેમાં ભેરવાઈ ન જાય તે જરૂરી છે. ત્યારે વડોદરામાં કોરોના નામે અંધશ્રદ્ધાનો વીડિયો સોશિયલ મીડિયા પર વાયરલ થયો છે. વડોદરામાં કાલુપુરા મેઈન રોડ પર આવેલા ભાથુજી મહારાજના મંદિરના ભુવા હસમુખ બારોટનો વીડિયો સામે આવ્યો છે. પાલિકાના અતિથિગૃહના કમ્પાઉન્ડમાં ભાથીજી મહારાજનું મંદિર  આવેલું છે. ત્યારે આ મંદિરના ભુવા લોકોને કહી રહ્યાં છે કે, તેમનો જાપ કરેલ દોરો પહેરવાથી કોરોના ભાગી જશે તેવો કરે છે. આવો દાવો ભુવા હસમુખ બારોટ દ્વારા કરવામાં આવ્યો છે. સંત જ્યોતિરનાથ મહારાજે આ ભુવાના દાવા પાયાવિહોણા ગણાવ્યા છે. તેમજ ભુવા પર અંધશ્રદ્ધા ફેલાવવા બદલ પોલીસ કેસ કરવાની કરી માંગ કરી છે. આ ઉપરાંત ભુવાનું ધતિંગ તાત્કાલિક બંધ કરવા પણ માંગ કરી છે. 

આવા દોરા સંક્રમણ વધારી શકે છે 
ભુવાના કહ્યા બાદ લોકો પણ તેમની પાસે એકઠા થયા હતા. જ્યોર્તિનાથ મહારાજે આ વિશે જણાવ્યું કે, આ દાવો પાયાવિહોણો છે. વિજ્ઞાનમાં પણ કોરોનાની મહામારી દૂર કરવાના  ઉપયોગ હજી મળ્યા નથી. ત્યારે આવા ચમત્કારની વાત કરીને લોકોની શ્રદ્ધા સાથે ચેડા કરવા યોગ્ય નથી. ભુવા દ્વારા અપાતા આવા દોરા કોરોનાનું સંક્રમણ પણ વધારી શકે છે.