ફેફસાં માટે ફાયદાકારક છે આ 3 ડ્રિંક્સ, શરીરને ડિટોક્સ કરવામાં પણ કરશે મદદ

Air Pollution: દિલ્હી અને તેની આસપાસના વિસ્તારોમાં ઝેરી હવા ફેલાયેલી છે. આ કારણે બીમાર થવાનું જોખમ અનેક ગણું વધી શકે છે. આના કારણે ઘણા લોકોને આંખમાં બળતરા, શ્વાસ લેવામાં તકલીફ, ઉધરસ જેવી સમસ્યાઓનો સામનો કરવો પડી રહ્યો છે. આવી સ્થિતિમાં આપણે આપણા આહારનું વિશેષ ધ્યાન રાખવું જોઈએ. આ માટે તમારા આહારમાં આવા પીણાંનો સમાવેશ કરો, જે શરીરને ડિટોક્સ કરવામાં મદદ કરે છે અને રોગપ્રતિકારક શક્તિને પણ મજબૂત બનાવી શકે છે. ચાલો જાણીએ કે એવા કયા પીણાં છે જે તમારા ફેફસાંને સ્વસ્થ રાખવામાં મદદ કરી શકે છે?

બીટનું જ્યુસ
જેના શરીરમાં લોહીની કમી હોય તેમના માટે બીટ ખૂબ જ ફાયદાકારક છે. બીટથી લોહીની કમી તો દૂર થશે જ સાથે સાથે તે ફેફસાંને પણ સ્વસ્થ રાખે છે. એન્ટિઓક્સિડન્ટ્સ અને નાઈટ્રેટ્સથી ભરપૂર બીટ ફેફસાંના ઓક્સિજન લેવલને સુધારવામાં અસરકારક સાબિત થઈ શકે છે.

તુલસીનું પાણી
તુલસી આપણને ઘણી બીમારીઓથી દૂર રાખવામાં મદદ કરે છે. તેમાં રહેલા એન્ટીઓક્સીડેન્ટ્સ અને એન્ટી-બેક્ટેરિયલ ગુણો શરીરમાંથી બેક્ટેરિયાને ખતમ કરવામાં મદદ કરે છે. આવી સ્થિતિમાં જો તમે રોજ સવારે ખાલી પેટે તુલસીનું પાણી પીવો છો તો તેનાથી ફેફસાં સાફ થાય છે. આ પાણી બાળકો અને વૃદ્ધો બન્ને માટે ખૂબ જ ફાયદાકારક સાબિત થઈ શકે છે.

એલોવેરાનું જ્યુસ
એલોવેરા શરીરને ડિટોક્સ કરવામાં ઘણી મદદ કરે છે. તેમાં હાજર એન્ટિ-ઇન્ફ્લેમેટરી ગુણો શરીરમાં સોજાને ઘટાડે છે. આ સાથે તે ફેફસાંને વાયુ પ્રદૂષણની અસરોથી બચાવે છે, આ માટે તમે દરરોજ એલોવેરા જ્યુસનું સેવન કરી શકો છો.

Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.