શું તમે પણ ફેંકી દો છો વાસી રોટલી? જો જો આમ ન કરતા...`સ્વાસ્થ્યનો ખજાનો છે`

Stale Roti Benefits: તમારા ઘરમાં પણ ઘણી વખત રસોડામાં બચેલી રોટલી (leftover roti )બચી જાય છે. એવામાં કેટલાક લોકો તેને વાસી રોટલી સમજીને ફેંકી દેવા માગે છે કારણ કે તેમને ડર છે કે વાસી રોટલી (basi roti) શરીરને નુકસાન પહોંચાડી શકે છે. પરંતુ બહુ ઓછા લોકો જાણે છે કે તાજી રોટલીની સાથે વાસી રોટલી પણ સ્વાસ્થ્ય માટે ઘણી રીતે ફાયદાકારક સાબિત થાય છે. રાતભર રાખેલી વાસી રોટલી ઘણા લોકો માટે સ્વાસ્થ્યનો ખજાનો બની શકે છે. સ્વાસ્થ્ય નિષ્ણાતોનું માનવું છે કે વાસી રોટલી ડાયાબિટીસ જેવી બીમારીમાં પણ ફાયદાકારક છે. ચાલો આજે જાણીએ વાસી રોટલી ખાવાના ફાયદા.

વાસી રોટલી ખાવાથી ડાયાબિટીસમાં થાય છે ફાયદો
જો કે તબીબી અને સત્તાવાર રીતે તેનો દાવો કરવામાં આવ્યો નથી, પરંતુ આરોગ્ય નિષ્ણાતોનું કહેવું છે કે વાસી રોટલીનું સેવન ડાયાબિટીસમાં ફાયદાકારક સાબિત થઈ શકે છે. હકીકતમાં એવું કહેવાય છે કે વાસી રોટલીના સેવનથી બ્લડ સુગરના અસંતુલનમાં રાહત મળે છે. બીજી તરફ એવું પણ કહેવાય છે કે વાસી રોટલીને ઠંડા કરેલા દૂધમાં પલાળીને ખાવાથી હાઈ બ્લડ પ્રેશરની સમસ્યામાં મદદ મળે છે.

વજન ઘટાડવામાં મદદરૂપ છે વાસી રોટલી
એવું કહેવાય છે કે તાજી રોટલી કરતાં વાસી રોટલીમાં ઓછી કેલરી હોય છે. ખરેખર, વાસી રોટલીમાં ભેજ ઓછો હોય છે જેના કારણે તેને ખાધા પછી વધુ પાણી પીવું પડે છે. આવી સ્થિતિમાં જે લોકો વજન ઘટાડવા માંગે છે તેમના માટે વાસી રોટલી એક સારો આહાર સાબિત થઈ શકે છે.

શરીરને ગરમીથી બચાવે છે વાસી રોટલી
જો વાસી રોટલીને દૂધમાં પલાળીને થોડીવાર રાખી પછી ખાવામાં આવે તો તેનાથી શરીર અને પેટની ગરમી શાંત થાય છે. આવી સ્થિતિમાં, ઉનાળામાં તેને ખાવું ખૂબ જ ફાયદાકારક સાબિત થઈ શકે છે. વાસી રોટલી પાચન સંબંધી સમસ્યાઓ દૂર કરે છે. જે લોકો અપચો, ગેસ, એસિડિટી અને કબજિયાતથી પીડાય છે તેમના પેટને આ ખાવાથી ઘણી રાહત મળે છે.

રોગપ્રતિકારક શક્તિ વધારે છે વાસી રોટલી
વાસી રોટલી વાસ્તવમાં ઘણી બધી પ્રીબાયોટીક્સ રાતોરાત ઉત્પન્ન કરે છે, જે શરીરની રોગપ્રતિકારક શક્તિ માટે સારી છે. આ ખાવાથી શરીરને રોગો સામે લડવાની શક્તિ મળે છે. વાસી રોટલી આંતરડાની સમસ્યામાં પણ ઘણી અસર કરે છે અને તેનું સેવન કરવાથી શરીરમાં સારા બેક્ટેરિયા પણ બને છે.

(Disclaimer: અહીં આપવામાં આવેલી જાણકારી સામાન્ય માન્યતાઓ અને જાણકારીઓ પર આધારિત છે. ZEE 24 KALAK તેની પુષ્ટિ કરતું નથી.)