સવારે ખાલી પેટ હેલ્ધી બદામના દૂધમાં ખાઓ આ નાના સુપર બીજ, પેટ માટે છે રામબાણ

Chia seeds benefits: ચિયાના બીજ સ્વાસ્થ્ય માટે ખૂબ જ ફાયદાકારક છે. હેલ્થલાઇનમાં પ્રકાશિત એક સમાચાર અનુસાર, ચિયાના બીજમાં પ્રોટીન, ફાઇબર, ચરબી, એન્ટીઑકિસડન્ટ અને ઘણા મહત્વપૂર્ણ પોષકતત્વો હોય છે. આ સાથે, આયર્ન, ઝિંક, મેગ્નેશિયમ, કેલ્શિયમ, ફોસ્ફરસ, વિટામિન્સ પણ ચિયાના બીજમાં હોય છે. જો બદામના દૂધ સાથે ચિયા સીડ્સનું સેવન કરવામાં આવે તો તેના ફાયદા વધે છે. આજે અમે તમને ચિયા સીડ્સ અને બદામના દૂધના ફાયદા વીશે જણાવીશું.

1. પાચન તંત્રને મજબૂત બનાવે છે
સવારે ખાલી પેટ બદામના દૂધ સાથે ચિયાના બીજનું સેવન કરવાથી પાચનતંત્ર મજબૂત બને છે. ચિયાના બીજમાં ભરપૂર પ્રમાણમાં ફાઈબર હોય છે. તેના ઉપયોગથી પેટ સારી રીતે સાફ થાય છે. ચિયાના બીજને આખી રાત પાણીમાં પલાળી રાખો અને સવારે તેને બદામના દૂધ સાથે પીવો.

2. બ્લડ શુગર કંટ્રોલ 
ચિયા સીડ્સનું સેવન કરવાથી બ્લડ સુગર કંટ્રોલ થાય છે. ચિયાના બીજ તંદુરસ્ત બ્લડ ગ્લુકોઝના સ્તરને નિયંત્રિત કરવામાં મદદરૂપ સાબિત થઈ શકે છે. જો તમને પણ ડાયાબિટીસ છે, તો તમારે પણ આ હેલ્ધી ડ્રિંક અવશ્ય લેવું જોઈએ. જો તમે ઈચ્છો તો તેને પીતા પહેલા ડૉક્ટરની સલાહ લઈ શકો છો.

3. હૃદયને મજબૂત બનાવે છે
ફાઇબરથી સમૃદ્ધ, ચિયાના બીજમાં ઓમેગા -3 ફેટી એસિડ હોય છે જેને આલ્ફા-લિનોલેનિક એસિડ કહેવાય છે. તે તમારા હૃદયને સ્વસ્થ રાખવા માટે ખૂબ જ ફાયદાકારક છે. તેનું રોજનું સેવન હૃદયને સ્વસ્થ રાખે છે.

4. સ્કિન ગ્લો
ચિયા સીડ્સનું સેવન ત્વચામાં ગ્લો લાવે છે. ચિયાના બીજમાં હાજર ફેટી એસિડ્સ ત્વચાને ફરીથી સ્વસ્થ અને કોમળ બનાવવામાં અત્યંત મદદરૂપ છે. ચિયાના બીજ સાથે બદામનું દૂધ પીવાથી ત્વચાને હાઇડ્રેટ રાખવામાં મદદ મળે છે.

5. વજન ઓછું કરવા
ચિયાના બીજમાં ભરપૂર માત્રામાં ફાયબર હોય છે. જ્યારે તમે બદામના દૂધ સાથે ચિયા સીડ્સ પીવો છો તો તે વજન ઘટાડવામાં ફાયદાકારક સાબિત થઈ શકે છે. ચિયાના બીજનું સેવન લાંબા સમય સુધી પૂર્ણતાનો અહેસાસ આપે છે, જેના કારણે તમને ભૂખ નથી લાગતી અને ખોરાકનું શોષણ ધીમી પડી જાય છે.