Green Peas: લીલા વટાણા ખાવાથી થઈ શકે છે આ 5 નુકસાન, આ 2 બીમારીમાં તો ખાવા જ નહીં

Green Peas: શિયાળાની શરૂઆત થઈ ગઈ છે અને સાથે જ અલગ અલગ પ્રકારના લીલા શાકભાજી પણ માર્કેટમાં દેખાવા લાગ્યા છે. શિયાળામાં લીલા શાકભાજી સૌથી વધુ ખવાય છે. જેમાં સૌથી પહેલા આવે છે આ સિઝનમાં મળતા લીલા વટાણા. લીલા વટાણા અલગ અલગ વાનગીમાં ઉપયોગમાં લેવામાં આવે છે અને નાના મોટા સૌ કોઈને તે ભાવે પણ છે. પરંતુ આ લીલા વટાણા તબિયત બગાડી પણ શકે છે. 

આ પણ વાંચો: Ratanjot: રતનજોતમાં નાળિયેર તેલ મિક્સ કરી લગાડવાથી દવા વિના મટે છે આ 5 સમસ્યાઓ

ખાવા પીવાની વસ્તુનો પણ એક નિયમ હોય છે. કોઈપણ વસ્તુને વધારે પ્રમાણમાં લેવામાં આવે તો તે સ્વાસ્થ્ય માટે હાનિકારક બની જાય છે. લીલા વટાણા પણ આવું જ શાક છે. શિયાળામાં લોકો બે મોઢે લીલા વટાણા ખાવાનું પસંદ કરે છે પરંતુ લીલા વટાણામાં એવા તત્વ પણ હોય છે જે શરીર માટે નુકસાનકારક સાબિત થઈ શકે છે. 

આ પણ વાંચો: ટમેટા જેવું દેખાતું આ ફળ ડાયાબિટીસ પેશન્ટ માટે વરદાન, ખાવાથી બ્લડ શુગર થશે કંટ્રોલ

લીલા વટાણા પૌષ્ટિક શાકભાજી છે પરંતુ વધારે માત્રામાં તેને ખાવાથી કેટલીક સમસ્યાઓ થઈ શકે છે. આજે તમને લીલા વટાણાથી થઈ શકે એવા પાંચ નુકસાન વિશે જણાવીએ. જો તમે પણ શિયાળામાં લીલા વટાણા વધારે પ્રમાણમાં ખાતા હોય તો આ વાત હંમેશા ધ્યાનમાં રાખજો. 

લીલા વટાણાથી થતા નુકસાન 

આ પણ વાંચો: Food: શિયાળામાં રાત્રે આ 5 વસ્તુઓ ક્યારેય ન ખાવી, ખાવાથી થઈ જશે ન મટે એવા શરદી-ઉધરસ

પેટની સમસ્યા 

લીલા વટાણા ફાઇબરથી ભરપૂર શાકભાજી છે. જો તમે રોજ વધારે માત્રામાં લીલા વટાણા ખાવ છો તો તેનાથી ગેસ, બ્લોટીંગ અને પેટમાં દુખાવા જેવી સમસ્યા થઈ શકે છે.

પાચન સંબંધિત સમસ્યા 

લીલા વટાણામાં લેક્ટીન નામનું પ્રોટીન હોય છે. જેને વધારે માત્રામાં લેવાથી પાચન ક્રિયા પર નેગેટીવ અસર પડે છે. લીલા વટાણા વધારે ખાવામાં આવે તો પેટમાં દુખાવો, કબજિયાત અને એસિડિટી પણ થઈ શકે છે. 

આ પણ વાંચો: Garlic: કાચું લસણ ખાવાથી વધે છે આ સમસ્યા, ભુલથી પણ આ સ્થિતિઓમાં લસણ ખાવું નહીં

કિડની તકલીફ 

લીલા વટાણામાં પ્યુરીનની માત્રા વધારે હોય છે. જે શરીરમાં યુરિક એસિડ વધારી શકે છે. જે લોકોને કિડની સ્ટોન કે પછી ગઠીયાની સમસ્યા હોય તેમના માટે લીલા વટાણા હાનિકારક સાબિત થઈ શકે છે. 

દવાઓ સાથે સાઇડ ઇફેક્ટ 

લીલા વટાણામાં કેટલાક એવા તત્વો પણ હોય છે જેને કોઈ દવા સાથે લેવામાં આવે તો તે આડઅસર પણ કરી શકે છે. તેથી જો તમે કોઈપણ પ્રકારની દવા લઈ રહ્યા હોય તો લીલા વટાણાનું સેવન ડોક્ટરને પૂછીને જ કરવું. 

આ પણ વાંચો: વર્ષો જુની કબજિયાત પણ દવા વિના મટશે, શિયાળામાં ડાયટમાં સામેલ કરી લો આ 4 ફુડ

આ લોકોએ ન ખાવા લીલા વટાણા 

શિયાળામાં તાજા લીલા શાકભાજી ખાવા સૌ કોઈને પસંદ હોય છે. પરંતુ વાત લીલા વટાણાની હોય તો કેટલાક લોકોએ વટાણા ખાવાનું તાડવું જોઈએ. જેમકે જે લોકોને યુરિક એસિડની તકલીફ હોય, પેટમાં સમસ્યા રહેતી હોય કે પથરી હોય તેમણે લીલા વટાણા ખાવા નહીં અથવા તો ઓછા ખાવા.

(Disclaimer: અહીં આપેલી માહિતી અને ઘરગથ્થુ ઉપચાર સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)