અંડમાન-નિકોબારથી Brahmos સુપરસોનિક મિસાઇલનો વધુ એક ટેસ્ટ, 300 KMની રેન્જ કરી હાસલ

પોર્ટ બ્લેયરઃ કોરોના મહામારી સામે લડાઈ વચ્ચે ભારત દેશની સુરક્ષાને પણ પડકારની જેમ જોઈ રહ્યું છે. સરહદ પર ચાલી રહેલા તણાવને કારણે ભારત રક્ષા ક્ષેત્રમાં મજબૂતી હાસિલ કરી રહ્યું છે. ભારતે આજે અંડમાન-નિકોબાર દ્વીપ સમૂહથી બ્રહ્મોસ સુપસોનિક ક્રૂઝ મિસાઇલનું પરીક્ષણ કર્યું છે. સૂત્રોએ જણાવ્યું કે, ભારતીય સેના દ્વારા આ દિવસોમાં ઘણા પ્રકારના ટેસ્ટ કરવામાં આવી રહ્યાં છે, જ્યાં બુધવારે કરવામાં આવેલ મિસાઇલ પરીક્ષણ પણ તે પ્રોગ્રામ અંતર્ગત હતું. 

જાણવા મળ્યું કે, બ્રહ્મોસ સુપરસોનિક ક્રૂઝ મિસાઇલની સપાટીથી સપાટી સુધી વાર કરવાનો ટેસ્ટ 300 કિલોમીટરની સ્ટ્રાઇક રેન્જ સુધી સફળ રહ્યો. તો હવે ભારતીય વાયુ સેનાની પાસે મિસાઇલના લેન્ડ અને હવા સંબંધિત વાર કરનાર બંન્ને વર્ઝન હાજર છે. 

ડીઆરડીઓ છેલ્લા કેટલાક સમયથી ઘણી નવી અને હાલની મિસાઇલ સિસ્ટમ સહિત શૌર્ય મિસાઇલ સિસ્ટમનું ટેસ્ટિંગ કરવામાં સફળ રહ્યું છે. મહત્વનું છે કે ભારત, ચીન અને પાકિસ્તાનની સાથે સરહદ પર જારી તણાવ વચ્ચે પોતાની શક્તિમાં વધારો કરવામાં લાગ્યું છે. ભારત સતત ક્રૂઝ અને બેલિસ્ટિક મિસાઇલોનું ટેસ્ટિંગ કરી રહ્યું છે.