અનુરાગ કશ્યપના ગુસ્સાનો જ્વાળામુખી ફાટ્યો અરવિંદ કેજરીવાલ પર, ટ્વિટ કરીને કહી દીધું કે....

નવી દિલ્હી : ફિલ્મમેકર અનુરાગ કશ્યપે (Anurag Kashyap) દિલ્હીના સીએમ અરવિંદ કેજરીવાલ (Arvind Kejriwal) પર શાબ્દિક એટેક કર્યો છે. દિલ્હી સરકારે 2016 રાજદ્રોહ મામલા (Sedition Case)માં કન્હૈયા કુમાર (Kanhaiya Kumar), ઉમર ખાલિદ અને બીજી વ્યક્તિઓ સામે રાજદ્રોહનો કેસ ચલાવવાની મંજૂરી આપી દીધી છે. સરકારના આ નિર્ણયને કારણે અનુરાગ કશ્યપનો ગુસ્સો ભભુકી ઉઠ્યો છે. 

અનુરાગે પછી કન્હૈયાની ટ્વીટને રિટ્વીટ કરીને લખ્યું છે કે, 'મહાશય અરવિંદ કેજરીવાલ જી, તમને શું કહે....spineless તો કોમ્પ્લિમેન્ટ છે...તમે કેટલામાં વેચાયા?' 

દિલ્હી સરકારે શુક્રવારે દિલ્હી પોલીસને જેએનયુએસયુના પૂર્વ અધ્યક્ષ કન્હૈયા કુમાર અને અન્ય પર 2016ના રાજદ્રોહ મામલામાં મુકદ્દમો ચલાવવાની મંજૂરી આપી દીધી છે. આ વાતની પુષ્ટિ દિલ્હી પોલીસના ટોચના અધિકારીએ પણ કરી છે.