J&K: આતંકીઓએ અપની પાર્ટીના નેતાની કરી હત્યા, અબ્દુલ્લા બોલ્યા- નવું ચલણ ખતરનાક

જમ્મુઃ જમ્મુ-કાશ્મીર (Jammu Kashmir) માં આતંકીઓએ વધુ એક રાજકીય પાર્ટીના નેતાની હત્યા કરી દીધી છે. અપની પાર્ટીના નેતા ગુલામ હસન લોન (Apni Party leader Ghulam Hassan) ને કુલગામના દેસવરમાં આતંકીઓએ ગોળી મારી હતી. ઈજાગ્રસ્ત ગુલામ હસનને હોસ્પિટલમાં દાખલ કરાવવામાં આવ્યા પરંતુ સારવાર દરમિયાન તેમનું મોત થયું હતું. 

મુખ્યધારાના નેતા આતંકીઓના નિશાન પર
ગુલામ હસનની હત્યા પર જમ્મુ-કાશ્મીરના પૂર્વ મુખ્યમંત્રી ઉમર અબ્દુલ્લાએ દુખ વ્યક્ત કર્યુ છે. ઉમર અબ્દુલ્લાએ ટ્વીટ કરી કહ્યુ, 'દક્ષિણ કાશ્મીરના દેવસર વિસ્તારમાં ગુલામ બસન લોનની હત્યા વિશે સાંભળી દુખ થયું. ઉગ્રવાદી સંગઠનો દ્વારા મુખ્યધારાના રાજનેતાઓને નિશાન બનાવવાનું આ નવુ ચલણ ખુબ ચિંતાજનક છે અને હું તેની નિંદા કરુ છું. ઈશ્વર દિવંગતને જન્નત પ્રદાન કરે.'

ઓગસ્ટમાં બીજી અથડામણ
લેફ્ટિનેન્ટ કર્નલ દેવેન્દ્ર આનંદે કહ્યુ- અથડામણ દરમિયાન રાષ્ટ્રીય રાયફલ્સના એક જેસીઓને ગોળીઓ લાગી. જેસીઓને તત્કાલ સારવાર માટે લઈ જવામાં આવ્યા, પરંતુ ગંભીર રૂપે ઈજાગ્રસ્ત હોવાને કારણે તેમણે પોતાનો જીવ ગુમાવી દીધો. અધિકારીઓએ કહ્યું કે, અથડામણમાં પણ એક આતંકીને ઠાર કરવામાં આવ્યો છે. આ વિસ્તારમાં ઓગસ્ટમાં થયેલી અથડામણની બીજી ઘટના છે. થાનામંડી ક્ષેત્રમાં છ ઓગસ્ટે સુરક્ષા દળો સાથે અથડામણમાં લશ્કર-એ-તૈયબાના બે આતંકવાદી માર્યા ગયા હતા.