રામ મંદિર નિર્માણના પાયામાં રાખવામાં આવશે ચાંદીની ઇંટ, સામે આવી પ્રથમ તસવીર

નવી દિલ્હીઃ અયોધ્યામાં રામ મંદિરના ભૂમિ પૂજન કાર્યક્રમને લઈને તૈયારીઓ જોરશોરમાં છે. મંદિર નિર્માણને લઈને રામની નગરી અયોધ્યામાં હલચલ પણ તેજ થઈ ગઈ છે. રામ મંદિરના પાયામાં ચાંદીની ઈંટ રાખવામાં આવશે. તેની પ્રથમ તસવીર સામે આવી ગઈ છે. ફૈઝાબાદથી ભાજપના સાંસદ લલ્લૂ સિંહે તેને લઈને ટ્વીટ કર્યું છે. 

લલ્લૂ સિંહે ચાંદીની ઈંટની તસવીરને શેર લખ્યુ કે, આ મારૂ સૌભાગ્ય રહેશે કે આ પવિત્ર ઇંટને પ્રધાનમંત્રી દ્વારા સ્થાપિત કરવા સમયે મને પ્રાંગણમાં હાજર રહેવાનું સૌભાગ્ય પ્રાપ્ત થશે. મહત્વનું છે કે ચાંદીની આ અનોખી ઇંટનું વજન 22 કિલો 600 ગ્રામ છે. 

અત્રે જણાવવાનું કે રામંદિરના ભૂમિપૂજનની તારીખ જેમ જેમ નજીક આવી રહી છે તેમ તેમ હલચલ વધી રહી છે. દેશભરમાં મંદિર નિર્માણમાં સહયોગ આપવા માટે ગતિવિધિઓમાં તેજી આવી છે. ભૂમિ પૂજન માટે પવિત્ર નદીઓના જળ અને તીર્થ સ્થળોની પવિત્ર માટીને લાવવાનો સિલસિલો શરૂ થઈ ગયો છે. 5 ઓગસ્ટના રોજ પ્રધાનમંત્રી નરેન્દ્ર મોદી અયોધ્યામાં ભૂમિ પૂજન કરીને મંદિર નિર્માણ માટે શિલાન્યાસ કરશે. 

જુઓ LIVE TV