UP: ધર્મ સિંહ સૈનીએ યોગી કેબિનેટમાંથી આપ્યું રાજીનામું, 3 દિવસમાં 3 મંત્રીઓએ ભાજપ સાથે ફાડ્યો છેડ્યો

લખનઉ: ઉત્તર પ્રદેશમાં વિધાનસભા ચૂંટણી (UP Assembly Election)પહેલા ભારતીય જનતા પાર્ટી (BJP)ને એક પછી એક આંચકાઓનો સામનો કરવો પડી રહ્યો છે અને પાર્ટી છોડવા માટે ધારાસભ્યોની કતાર લાગી છે. હવે તેમાં એક નવું નામ ઉમેરાયું છે અને યોગી સરકારના મંત્રી ધરમ સિંહ સૈનીએ પાર્ટી છોડી દીધી છે.

સરકારી આવાસ અને સુરક્ષા પણ છોડી
સહારનપુરની નકુર વિધાનસભા સીટ પરથી બીજેપી ધારાસભ્ય ધરમ સિંહ સૈની (Dharam Singh Saini) એ પાર્ટીમાંથી રાજીનામું આપી દીધું છે અને સરકારી આવાસ અને સુરક્ષા પણ છોડી દીધી છે. જોકે, તેમણે પાર્ટીમાંથી કેમ રાજીનામું આપ્યું તે જાણી શકાયું નથી.