બેંગ્લોરઃ 6 શાળાઓને બોમ્બથી ઉડાવી દેવાની ધમકી મળી, સર્ચ ઓપરેશન શરૂ

બેંગ્લુરું: કર્ણાટકની રાજધાની બેંગલુરુની શાળાઓમાં બોમ્બની ધમકીઓ ધરાવતો ઈ-મેલ મળ્યા બાદ ડરનો માહોલ ફેલાયો છે. પોલીસે આ વિશે માહિતી આપતાં જણાવ્યું કે, બેંગ્લોરની 6 શાળાઓમાં બોમ્બ હોવાની માહિતી મળ્યા બાદ શાળાઓમાં સર્ચ ઓપરેશન ચાલુ છે, જો કે હજુ સુધી એકપણ શાળામાંથી બોમ્બ મળ્યો નથી.

કોઈપણ શાળામાંથી મળ્યા નથી વિસ્ફોટકો 
ઈમેલ દ્વારા બેંગ્લોરની 6 શાળાઓને બોમ્બની ધમકી મળ્યા બાદ તેની જાણ પોલીસને કરવામાં આવી હતી. માહિતી મળતાની સાથે જ પોલીસ તમામ છ શાળાઓના પરિસરમાં પહોંચી અને તપાસ શરૂ કરી. જો કે હજુ સુધી કોઈપણ શાળામાંથી વિસ્ફોટક સામગ્રી મળી નથી.