BREAKING: દેશની પ્રથમ કોરોના વેક્સિન Covishieldને મંજૂરી, ઔપચારિક જાહેરાત કોઈપણ સમયે

નવી દિલ્હી: નવા વર્ષની શરૂઆત થતા જ ભારતને પ્રથમ કોરોના વેક્સિન (India's First Corona Vaccine)ની ભેટ મળી ગઈ છે. શુક્રવારના સબ્જેક્ટ એક્સપર્ટ કમિટિની સાથે બેઠક યોજાઈ હતી જેમાં ભારતને સીરમ ઇન્સ્ટીટ્યૂટ ઓફ ઇન્ડિયા (Serum Institute of India) દ્વારા નિર્મિત કોવિશીલ્ડ (COVISHIELD) કોરોના વેક્સિનની ઇમર્જન્સી ઉપયોગની મંજૂરી આપવામાં આવી છે.

આ પણ વાંચો:- ભારતમાં સતત ઘટ્યું કોરોનાનું સંક્રમણ, 179 દિવસ બાદ સક્રિય કેસની સંખ્યા માત્ર આટલી

જો કે બેઠક હજુ પણ ચાલી રહી છે. અને કોઈપણ સમયે ઔપચારિક જાહેરાત કરવામાં આવશે. સૂત્રો પાસેથી મળતી જાણકારી અનુસાર, સબ્જેક્ટ એક્સપર્ટ કમિટિએ સીમર ઇન્સ્ટીટ્યૂટની વેક્સિનને રિકમેન્ડ કરી છે. ત્યારબાદ સરકારે શરતોની સાથે તેની મંજૂરી આપી છે. જો કે, અંતિમ નિર્ણય ડીસીડીઆઇ (ડ્રગ્સ કંટ્રોલર જનરલ ઓફ ઇન્ડિયા) દ્વારા જ લેવામાં આવશે. એટલે કે, DCGIની એપ્રૂવલ મળતા જ આગામી 6-7 દિવસોમાં વેક્સિનેશનની પ્રક્રિયા શરૂ કરવામાં આવશે.

આ પણ વાંચો:- નવા વર્ષમાં આ રીતે થશે જીવલેણ કોરોનાનો ખાતમો, 'લીલો' કોરોના બનશે 'લાલ' Corona નો કાળ!

2 જાન્યુઆરીથી દેશભરમાં ડ્રાય રન
2 જાન્યુઆરીના દેશના તમામ રાજ્યોની રાજધાનીમાં કોરોના વાયરસની વેક્સિનેશનનું ડ્રાય રન થશે. જેમાં કોરોના વેક્સિન (Corona Vaccine) સાથે જોડાયેલા ઇન્ફ્રાસ્ટ્રક્ચરને પરખવાનું કામ કરવામાં આવશે. દરેક રાજ્ય તેમના રાજ્યની રાજધાનીના 3 પોઈન્ટ પર ડ્રાય રન આયોજિક કરશે. મહારાષ્ટ્ર અને કેરળની સરકારોએ કેન્દ્રને જણાવ્યુંછે કે, તેઓ તેમની રાજ્યની રાજધાની ઉપરાંત રાજ્યના મોટા શહેરોમાં પણ ડ્રાય રનનું આયોજન કરશે. તમને જણાવી દઇએ કે, આ પહેલા 28 અને 29 ડિસેમ્બરના દેશના 4 રાજ્યોમાં ડ્રાય રનનું આયોજન કરવામાં આવ્યું હતું.

આ પણ વાંચો:- મહિલાએ જે પંચાયત ઓફિસમાં 10 વર્ષ ઝાડું પોતા કર્યા ત્યાં જ હવે અધ્યક્ષ પદ શોભાવશે

ડ્રાય રનમાં શું હશે?
ડ્રાય રન (Dry Run) દરમિયાન, તેની ચકાસણી કરવામાં આવશે કે જે જિલ્લાઓમાંથી રસી સંગ્રહ કરવાની છે ત્યાંથી રાજ્યના છેલ્લા સ્થાને પહોંચવામાં કોઈ મુશ્કેલી નથી. આ સિવાય ડ્રાય રન દરમિયાન કનેક્ટિવિટી, ઇન્ફ્રાસ્ટ્રક્ચર, રેફ્રિજરેશન અને ટ્રાન્સપોર્ટેશનની પણ ચકાસણી કરવામાં આવશે. જ્યાં રસીકરણની પ્રક્રિયા પૂર્ણ થવાની છે ત્યાં સોશિયલ ડિસ્ટન્સિંગને કેવી રીતે જાળવવામાં આવશે તેની પણ તપાસ કરવામાં આવશે. રસીકરણનો તમામ ડેટા કોવિન (Co-Win) એપ્લિકેશન પર અપલોડ કરવાના છે તો તો ડ્રાય રન દરમિયાન પણ જોવામાં આવશે કે ડેટા એપ્લિકેશનમાં કોઈ સમસ્યા નથી.

આ પણ વાંચો:- દુનિયાને જીવલેણ કોરોનાની ભેટ આપનાર ચીન પોતે નવા વર્ષે મોટી મુશ્કેલીમાં મુકાયું

1 કરોડ લોકોની રસીકરણની ભલામણ
રસીકરણ દરમિયાન બે હેલ્પલાઇન નંબર્સ હશે, જેમાં કોઈ પણ સમસ્યા માટે મદદ માગી શકાય છે. રસીકરણ માટે રચાયેલા એન્પાવર્ડ ગ્રૂપમાં અત્યાર સુધી પહેલા તબક્કામાં વેક્સિનેશન માટે સ્વાસ્થ્ય સેવા સાથે જોડાયેલા લગભગ એક કરોડ લોકોને રસીકરણની ભલામણ કરી છે. આ પછી, 27 કરોડ લોકો માટે અગ્રતાના ધોરણે રસીકરણની ભલામણ કરવામાં આવી છે.