Bihar Assembly Election: ભાજપે જાહેર કરી ઉમેદવારોની બીજી યાદી, ઘણા ધારાસભ્યોની ટિકિટ કપાઈ

પટનાઃ બિહાર વિધાનસભા ચૂંટણી (Bihar Election 2020)મા ભારતીય જનતા પાર્ટીએ બીજા તબક્કાના ઉમેદવારોની યાદી જાહેર કરી દીધી છે. દેશની રાજધાનીમાં શનિવારે સાંજે જેપી નડ્ડાની અધ્યક્ષતામાં ભાજપની કેન્દ્રીય ચૂંટણી સમિતિની બેઠક યોજાઇ હતી. આ બેઠકમાં પ્રધાનમંત્રી નરેન્દ્ર મોદી, ગૃહ મંત્રી અમિત શાહ અને રાષ્ટ્રીય સંગઠન મહામંત્રી બીએલ સંતોષ, રાજનાથ સિંહ હાજર રહ્યાં હતા. બીજા તબક્કા માટે ભાજપ તરફથી જાહેર કરાયેલી યાદીમાં ઘણા ધારાસભ્યોની ટિકિટ કાપવામાં આવી છે. તેમાં કેન્દ્રીય મંત્રી અશ્વિની કુમાર ચોબેના પુત્રનું નામ પણ સામેલ છે. તો પટના શહેરની પાંચ વિધાનસભામાં ભાજપે પોતાના ધારાસભ્યો પર ફરી વિશ્વાસ વ્યક્ત કર્યો છે.