Bill Gates: બિલ ગેટ્સે ભારતના રસ્તા પર ચલાવી ઈલેક્ટ્રિક રિક્ષા

Bill Gates drove rickshaw: માઈક્રોસોફ્ટના સંસ્થાપક અને અધ્યક્ષ બિલ ગેટ્સ હાલમાં ભારતના પ્રવાસે છે. હાલમાં તેમને ઈન્ટાગ્રામ પર એક વીડિયો શેર કર્યો છે. જેમાં તેઓ મહિન્દ્રા ઓટોની લોકપ્રિય ઈલેક્ટ્રિક રિક્ષા મહિન્દ્રા ટ્રિઓ ચલાવતા નજરે પડે છે. 

 આ વીડિયોને શેર કરવાની સાથે તેઓએ મહિન્દ્રા કંપનીના વખાણ પણ કર્યા છે. રિક્ષા દ્વારા ધ્વની પ્રદુષણ ન કરવાની વાતથી પણ ગેટ્સ પ્રભાવિત થયા છે. આ રિક્ષા સિંગલ ચાર્જમાં 131 કિમી ચાલે છે અને 4 લોકોને લઈ જઈ શકે છે. વિશ્વભરના દેશો કાર્બનના ઉત્સર્જનને ઘટાડવા માટે ઈલેક્ટ્રીક વાહનો તરફ વળ્યા છે. 

બિલ ગેટ્સ હરિયાણા નંબર પ્લેટથી સજ્જ ઇલેક્ટ્રિક થ્રી વ્હીલરને ખૂબ જ ઉત્સાહથી ચલાવતા જોવા મળે છે. તમને આ વીડિયો જોઈને ખૂબ જ આનંદ થશે, કારણ કે બિલ ગેટ્સ જેવી હસ્તીઓ ભારતના ઘરે આવીને ઈલેક્ટ્રિક થ્રી વ્હીલરનો આનંદ લઈ રહ્યા છે અને ભારતની ટેક્નોલોજીના વખાણ કરી રહ્યાં છે.