રાજનીતિમાં જેનો સૂર્ય અસ્ત થઈ ગયો છે તે રાજ ઠાકરેને મળ્યા ફડણવીસ, બંધ બારણે શું ખીચડી રંધાઈ?

મુંબઈ :મહારાષ્ટ્રના પૂર્વ મુખ્યમંત્રી અને ભાજપના નેતા દેવેન્દ્ર ફડણવીસ અને મહારાષ્ટ્ર નવનિર્માણ સેનાના પ્રમુખ રાજ ઠાકરે વચ્ચે આજે ખાસ મુલાકાત થઈ. મુંબઈના પ્રભાદેવી વિસ્તારમાં બંને વચ્ચે લાંબી બેઠક યોજાઈ હતી. જેમાં રાજ્યની રાજનીતિક પરિસ્થિતિ પર પણ ચર્ચા થઈ હતી. સૂત્રોનું કહેવુ છે કે, ભાજપા રાજ ઠાકરેને સાથે રાખીને મહારાષ્ટ્રમાં ઉદ્ધવ ઠાકરેને સબક શીખવાડવાનો પ્રયાસ કરી રહી છે.

અસ્તિત્વ માટે ઝઝૂમી રહેલા રાજ ઠાકરે
મહારાષ્ટ્રની રાજનીતિ પર નજર કરીએ, તો હાલ રાજ ઠાકરેની રાજનીતિનો સૂર્ય અસ્ત થઈ ગયો છે. તેની રાજનીતિક પડક પણ નબળી પડી ગઈ છે. તેથી તેમને પણ રાજ્યમાં કોઈ મોટા જનાધારવાળી પાર્ટીની સખત જરૂર પડી છે. લોકસભા ઈલેક્શનમાં નરેન્દ્ર મોદીનો વિરોધ કરીને રાજ ઠાકરે પોતાની હેસિયતનો અંદાજ લગાવી ચૂક્યા છે, જેમાં તેઓ એક પણ ઉમેદવાર જીતી શક્યા નથી.