બીએસએફે ભારતની સરહદમાં ઘુસીને જાસૂસી કરનાર પાકિસ્તાની ડ્રોનને તોડી પાડ્યું

જમ્મુઃ  સરહદ સુરક્ષા દળ (BSF)એ શનિવારે જમ્મુ-કાશ્મીરના કઠુઆ જિલ્લામાં આંતરરાષ્ટ્રીય સરહદ પર પાકિસ્તાનના એક ડ્રોનને તોડી પાડ્યું છે. 

અધિકારીઓએ જણાવ્યુ કે, બીએસએફની એક ટુકડીએ સવારે આશરે 5 કલાક 10 મિનિટ પર સરહદ ચોકી પંસારના ક્ષેત્રમાં આકાશમાં એક ડ્રોનને જોયુ હતુ. પછી બીએસએફના જવાનોએ 9 ગોળીઓ ચલાવીને ડ્રોનને ભારતીય ક્ષેત્રમાં 250 મીટરની અંદર તેને તોડી પાડ્યું હતું. 

બીએસએફ અને પોલીસના વરિષ્ઠ અધિકારી ઘટનાસ્થળ પર પહોંચી ગયા છે અને મામલાની તપાસ કરી રહ્યાં છે. 

આ વચ્ચે અધિકારીઓએ જણાવ્યું કે, પાકિસ્તાની રેન્જર્સે સવારે આશરે 9 કલાકે હીરાનગર સેક્ટમાં બબિયા ચોકી પર ગોળીઓ ચલાવી હતી. આંતરરાષ્ટ્રીય સરહદ પર તૈનાત બીએસએફે જવાબી કાર્યવાહી કરી નથી. તે સ્થિતિ પર નજર રાખી રહ્યાં છે. 

જુઓ LIVE TV