India-Pak મેચ રદ થશે? જમ્મૂ-કાશ્મીરમાં આતંકવાદી ઘટનાઓની વચ્ચે કેંદ્રીય મંત્રીનું મોટું નિવેદન

નવી દિલ્હી: જમ્મૂ-કાશ્મીરમાં પાકિસ્તના પ્રાયોજિત આતંકવાદી ઘટનાઓ વચ્ચે ટી-20 વર્લ્ડકપમાં યોજાનાર ભારત-પાકિસ્તાન મેચને રદ કરવાની માંગ તેજ થઇ રહી છે. હવે આ મામલે કેંદ્રીય મંત્રી ગિરિરાજ સિંહ (Giriraj Singh) એ મોટું નિવેદન આપ્યું છે. ગિરિરાજ સિંહે કહ્યું કે જ્યારે સંબંધ સારા નથી તો તેના પર ફરી એકવાર પુનર્વિચાર કરવાની જરૂર છે.  

કોંગ્રેસ પર નિશાન
જોકે ગિરિરાજ સિંહ (Giriraj Singh) આજે જોધપુર કેંદ્રીય જળ શક્તિ મંત્રી ગજેન્દ્ર સિંહ શેખાવતના ઘરે શોકસભામાં સામેલ થવા પહોંચ્યા. અહીં નિકળ્યા બાદ તેમણે કોંગ્રેસ પર જોરદાર નિશાન તાક્યું. તેમણે કહ્યું કે દેશમાં કોંગ્રેસ બેવડું રાજકારણ કરી રહી છે. રાજસ્થાનમાં વાલ્મિકી સમાજ, એસસીએસટીના લોકો સાથે અત્યાચાર થઇ રહ્યા છે. મહિલાની સાથે બળાત્કાર થઇ રહ્યા છે અને જમ્મુ કાશ્મીરમાં હિંદુઓને ટાર્ગેટ કરીને મારવામાં આવી રહ્યા છે. આ મુદ્દાઓ પર કોંગ્રેસ કંઇ બોલતી નથી પરંતુ લખીમપુરમાં જઇને રાજકારણ કરે છે.