રાહુલ ગાંધીનો સરકાર પર પ્રહાર, કહ્યુંઃ દેશનો સ્વાભિમાની ધ્વજ ઝુકવા નહીં દઈએ

નવી દિલ્હીઃ વડાપ્રધાન નરેન્દ્ર મોદીએ 20 લાખ કરોડના આર્થિક પેકેજની જાહેરાત કરી છે. ત્યારબાદ નાણાપ્રધાન નિર્મલા સીતારમને બે ભાગમાં તેની જાહેરાત કરી હતી. પ્રથમ ભાગમાં લઘુ તથા કુરીટ ઉદ્યોગ માટે મદદની જાહેરાત કરી અને આજે બીજા ભાગમાં પ્રવાસી મજૂરો અને કિસાનો માટે સરકારનો ખજાનો ખોલ્યો હતો. પરંતુ તેના પર રાજનીતિ પણ શરૂ થઈ ગઈ છે. કોંગ્રેસના પૂર્વ અધ્યક્ષ રાહુલ ગાંધીએ એક વીડિયો ટ્વીટ કરી કેન્દ્ર સરકાર પર હુમલો કર્યો છે. 

રાહુલ ગાંધીએ પ્રવાસી મજૂરોનો એક માર્મિક વીડિયો પોસ્ટ કરતા લખ્યુ, 'ભયંકર અંધકાર છે કઠિન સમય છે, હિંમત રાખો- આપણે બધા તેની સુરક્ષામાં ઊભા છીએ. સરકાર સુધી તેનો અવાજ પહોંચાડીને રહીશું, તેના હકની મદદ અપાવીને રહીશું. દેશની સાધારણ જનતા નહીં, આ તો દેશના સ્વાભિમાનનો ધ્વજ છે... તેને ઝુકવા દેશું નહીં.'