Corona ના કારણે ICSE બોર્ડની ધોરણ 10ની પરીક્ષાઓ રદ, ધોરણ 12 માટે લેવાયો આ નિર્ણય

નવી દિલ્હી: કોરોનાની સ્થિતિને ધ્યાનમાં રાખીને CICSE બોર્ડે ધોરણ 10ની પરીક્ષાઓ રદ કરી છે. ધોરણ 12ની પરીક્ષાઓ ગત આદેશ પ્રમાણે જ થશે. પરીક્ષાઓ ઓફલાઈન થશે. અત્રે જણાવવાનું કે અગાઉ ધોરણ 10ના વિદ્યાર્થીઓ માટે પરીક્ષા વૈકલ્પિક રાખવામાં આવી હતી. નોંધનીય છે કે ICSE ની ધોરણ 10ની પરીક્ષાઓ 4 મેથી શરૂ થવાની હતી. આ અગાઉ ICSE બોર્ડ દ્વારા ધોરણ 10ની પરીક્ષાઓ મોકૂફ રાખવામાં આવી હતી. બોર્ડે કહ્યું હતું કે સ્થિતિની સમીક્ષા બાદ 12મા ધોરણની પરીક્ષાની નવી તારીખોની જાહેરાત કરવામાં આવશે. મળતી માહિતી મુજબ જૂનમાં નવી પરીક્ષા તારીખોની જાહેરાત થઈ શકે છે. 

પહેલા આ હતો કાર્યક્રમ
નોંધનીય છે કે ICSEની ધોરણ 10ની બોર્ડની પરીક્ષા પહેલા 4 મેથી શરૂ થઈને જૂન સુધી ચાલવાની હતી. જ્યારે ધોરણ 12ની પરીક્ષા 8 એપ્રિલથી શરૂ થવાની હતી. જેનું 18 જૂનના રોજ છેલ્લું પેપર હહતું. અત્રે જણાવવાનું કે CISCE બે બોર્ડ મળીને બન્યું છે. જે હેઠળ 10મા ધોરણની પરીક્ષા ICSE બોર્ડ અને 12માં ધોરણની પરીક્ષા ISC બોર્ડ હેઠળ થાય છે.