મારૂ સન્માન કરવાની જગ્યાએ લૉકડાઉનમાં એક ગરીબ પરિવારની જવાબદારી ઉઠાવોઃ પીએમ મોદી

નવી દિલ્હીઃ વડાપ્રધાન નરેન્દ્ર મોદીએ બુધવારે ટ્વીટ કરીને જણાવ્યું કે, તેમની જાણકારીમાં આવ્યું છે કે કેટલાક લોકો તેમને સન્માનિત કરવાની મુહિમ ચલાવી રહ્યાં છે. પીએમે તેને ખુદને વિવાદોમાં ઘસેડવાની કોઈ ખુરાફાતીની શંકા વ્યક્ત કરી છે. સાથે તેમણે તે પણ કહ્યું કે, જો આ પ્રકારની મુહિમ વાળાનો ઇરાદો ખોટો નથી તો તેની સાથે જોડાયેલા લોકો લૉકડાઉન પૂરુ થવા સુધી એક ગરીબ પરિવારની જવાબદારી ઉઠાવે કારણ કે તેમના માટે તેનાથી મોટું કોઈ સન્માન ન હોઈ શકે. 

મારા સન્માનની મુહિમ પાછળ ખુરાફાતી સંભવ
વડાપ્રધાન મોદીએ ટ્વીટ કર્યું, 'મારા ધ્યાનમાં લાવવામાં આવ્યું છે કે કેટલાક લોકો તે મુહિમ ચલાવી રહ્યાં છે કે 5 મિનિટ ઊભા થઈને મોદીને સન્માનિત કરવામાં આવે. પ્રથમ નજરમાં આ તો મોદીને વિવાદોમાં ઘસેડવાની કોઈ ખુરાફાતી લાગે છે.'

'સન્માન કરવું છે કો લૉકડાઉનમાં કોઈ ગરીબની જવાબદારી લો'
તેમણે આગામી ટ્વીટમાં લખ્યું, 'બની શકે કે આ કોઈની સારી ઈચ્છા હોય, તો પણ મારો આગ્રહ છે કે જો ખરેખર તમારા મનમાં આટલો પ્રેમ છે અને મોદીને સન્માનિત કરવા છે તો એક ગરીબ પરિવારની જવાબદારી ઓછામાં ઓછા ત્યાં સુધી ઉઠાવો, જ્યાં સુધી કોરોના વાયરસનું સંકટ છે. મારા માટે તેનાથી મોટું સન્માન કોઈ ન હોઈ શકે.'