Action on Pilots: DGCA એ 90 પાઈલટને બોઈંગ 737 મેક્સ ઉડાવતા રોક્યા, જાણો કારણ

નવી દિલ્હી: DGCA એ સ્પાઈસ જેટ પર મોટી કાર્યવાહી કરી છે અને તેના 90 પાઈલટ્સને બોઈંગ 737 મેક્સ ઉડાવતા રોક્યા છે. DGCA એ સિમ્યુલેટર ટ્રેનિંગમાં ખામીઓની જાણ થયા બાદ આ પગલું ભર્યું છે અને આ પાઈલટ્સે સંતુષ્ટી માટે ફરીથી ટ્રેનિંગમાંથી પસાર થવું પડશે. 

ફરીથી લેવી પડશે ટ્રેનિંગ
DGCA ની કાર્યવાહીની પુષ્ટિ કરતા સ્પાઈસજેટના એક પ્રવક્તાએ કહ્યું કે DGCA એ 90 પાઈલટ્સની તાલિમ પ્રોફાઈલ પર એક ઓબ્ઝર્વેશન કર્યું હતું અને તેમને બોઈંગ 737 મેક્સ ઉડાવતા રોકવાનો નિર્દેશ આપ્યો છે. DGCA ના નિર્દેશ મુજબ સ્પાઈસજેટે 90 પાઈલટ્સને મેક્સ વિમાન ઉડાવતા રોક્યા છે. આ પાઈલટ્સ DGCA ના સંતોષ ખાતર ફરીથી ટ્રેનિંગમાંથી પસાર થશે.