બિહાર ચૂંટણીઃ NDAમા સીટ વહેંચણીની જાહેરાત, JDU-122 તો ભાજપ 121 સીટો પર લડશે ચૂંટણી

પટનાઃ બિહાર વિધાનસભા ચૂંટણી માટે NDAમા સીટોની વહેંચણી થઈ ગઈ છે. 243 સીટો વાળી બિહાર વિધાનસભામાં જેડીયૂને 122 સીટો મળી છે, તેમાંથી જેડીયૂ જીતનરામ માંઝીના હિન્દુસ્તાની આવામ મોર્ચાને 7 સીટ આપશે, આ રીતે જેડીયૂ 115 સીટો પર ચૂંટણી લડશે. 

ભારતીય જનતા પાર્ટીને 121 સીટો મળી છે. ભાજપ પોતાના કોટામાંથી મુકેશ સાહનીની વિકાસશીલ ઇન્સાન પાર્ટીને સાત સીટ આપશે. આજે પટનામાં પત્રકાર પરિષદ દરમિયાન બિહારના મુખ્યમંત્રી નીતીશ કુમારે સીટોની વહેંચણીની જાહેરાત કરી છે. 

2010મા સાથે લડ્યા હતા ચૂંટણી
આ પહેલા ભાજપ અને જેડીયૂએ 2010ની વિધાનસભા ચૂંટણી સાથે લડી હતી. ત્યારે જેડીયૂ 141 અને ભાજપે 102 સીટો પર પોતાના ઉમેદવાર ઉતાર્યા હતા. આ ચૂંટણીમાં જેડીયૂએ 115 તો ભાજપે 91 સીટ પર વિજય મેળવ્યો હતો.