DLF`s KP Singh Finds Love: 91 વર્ષની વયે દિલ લગાવી બેઠા DLFના માલિક KP Singh

DLF's KP Singh Finds Love At The Age Of 91: કહેવાય છે કે પ્રેમ કરવા માટે ઉંમરની કોઈ મર્યાદા નથી હોતી.. કોઈ બંધન હોતું નથી...માણસ ઈચ્છે તો તેની ઉંમરના કોઈપણ તબક્કે ઈચ્છિત પ્રેમ પ્રાપ્ત કરી શકે છે. જીવનને આગળ લઈ જવા માટે દરેક વ્યક્તિ પોતાનો જીવનસાથી પસંદ કરી શકે છે. દેશના જાણીતા બિઝનેસમેન અબજોપતિ રિયલ એસ્ટેટ બિઝનેસમેન કુશલ પાલ સિંહે આ વાત સાબિત કરી છે. DLFના માલિક કેપી સિંહે 91 વર્ષની ઉંમરે ફરી એકવાર હમસફર પસંદ કરી છે. વર્ષ 2018માં કેપી સિંહની પત્નીનું કેન્સરને કારણે અવસાન થયું હતું. જોકે કેપી સિંહને તેમના પહેલા લગ્નથી ત્રણ બાળકો છે.

એક ઈન્ટરવ્યુમાં કેપી સિંહે પોતાના અંગત જીવન સાથે જોડાયેલા ઘણા રહસ્યો જાહેર કર્યા છે. વર્ષ 2018માં પોતાની પહેલી પત્નીને ગુમાવનાર કેપી સિંહે પોતાના જીવનમાં આવેલા નવા સાથી વિશે જણાવ્યું. તેણે કહ્યું કે મારી પત્નીના મૃત્યુ પછી મારા જીવનમાં એક ખાલીપો આવી ગયો. વર્ષો સુધી સાથે રહ્યા પછી જ્યારે તમે કોઈને ગુમાવો છો ત્યારે આવા દુ:ખને શબ્દોમાં વ્યક્ત ન કરી શકાય. તમારું આખું જીવન બદલાઈ જાય છે. પણ હવે મારા જીવનમાં એક નવો પાર્ટનર આવ્યો છે. હું તેના પ્રેમમાં પડી ગયો છું.

આ પણ વાંચો:
Mahindra Scorpio લઈને ફરવા ગયેલા વ્યક્તિની ઈચ્છા પર ફરી ગયુ પાણી, જુઓ વીડિયો
LUXURIOUS BUNGLOWS: ટાટા, બિરલા અને અંબાણી આલીશાન બંગલા પરથી નથી હટતી લોકોની નજર
શું તમને PM કિસાન યોજનાના 2,000 રૂપિયા નથી મળ્યા? આ નંબર પર કોલ કરીને કરો ફરિયાદ

કેપી સિંહે કહ્યું, 'મને નવો પાર્ટનર મળ્યો છે. તેનું નામ શીના છે. તે મારા જીવનના શ્રેષ્ઠ લોકોમાંથી એક છે. તે મહેનતુ છે અને મને પ્રેરણા આપે છે. શીના મને દરેક પગલે સાથ આપે છે. તેણી મને આગળ વધવા માટે પ્રેરણા આપે છે. હવે તે મારા જીવનનો મહત્વનો હિસ્સો બની ગઈ છે. જાણવામાં આવે છે કે કેપી સિંહની પહેલી પત્નીનું કેન્સરને કારણે 65 વર્ષની વયે અવસાન થયું હતું. કેપી સિંહ રિયલ એસ્ટેટના ટોચના અમીર અબજોપતિઓમાં સામેલ છે.

કેપી સિંહ 63 હજાર કરોડના માલિક છે
એક રિપોર્ટ અનુસાર, કેપી સિંહ બ્લૂમબર્ગ બિલિયોનેર ઈન્ડેક્સમાં 299મા ક્રમે છે. તેમની કુલ સંપત્તિ $7.63 બિલિયન (લગભગ 63200 કરોડ રૂપિયા) છે. અહેવાલો અનુસાર, તેમણે તેમના સસરા રાઘવેન્દ્ર સિંહ દ્વારા શરૂ કરાયેલી કંપની દિલ્હી લેન્ડ એન્ડ ફાઇનાન્સ (DLF) માં જોડાવા માટે 1961 માં સેના છોડી દીધી હતી. તેઓ પાંચ દાયકાથી વધુ સમય સુધી કંપનીના ચેરમેન પદે રહ્યા. હવે તે ડીએલએફના એમેરેટસ ચેરમેન છે.

પત્નીએ કહ્યું ક્યારેય હાર ન માનશો
ઈન્ટરવ્યુમાં કેપી સિંહે કહ્યું, 'મારી પત્નીએ મૃત્યુના 6 મહિના પહેલા મારી પાસેથી વચન લીધું હતું કે હું હાર નહીં માનું. મારે આગળ જોવા માટે એક નવું જીવન છે. પત્નીના આ શબ્દો મારી સાથે રહ્યા. મારું લગ્નજીવન અદ્ભુત રહ્યું છે. મારી પત્ની પણ મારી મિત્ર હતી. તે ગયા પછી હું ઉદાસ થઈ ગયો. પણ હવે જીવન બદલાઈ ગયું છે.