દિલ્હીમાં એક મહિનામાં ત્રીજીવાર ભૂકંપ, ગાઝિયાબાદની પાસે હતું કેન્દ્ર

નવી દિલ્હીઃ કોરોના વાયરસ લૉકડાઉન વચ્ચે રાજધાની દિલ્હીમાં એકવાર ફરી ભૂકંપના ઝટકા આવ્યા છે. મહિનામાં આ ત્રીજીવાર છે. રિક્ટર સ્કેલ પર તેની તીવ્રતા 3.5 માપવામાં આવી છે. તેનું સેન્ટર દિલ્હીની પાસે ગાઝિયાબાદ જણાવવામાં આવી રહ્યું છે. આ પહેલા 12 અને 13 એપ્રિલે પણ દિલ્હીમાં ભૂકંપના ઝટકા અનુભવાયા હતા. 

24 કલાકમાં બીજીવાર આવ્યો ભૂકંપ
આ પહેલા દિલ્હીમાં 13 અને 13 એપ્રિલે ભૂકંપના ઝટકા આવ્યા હતા. 12 એપ્રિલે દિલ્હી એનસીઆરમાં સાંજે 5.50 કલાકે ભૂકંપના ઝટકા અનુભવાયા હતા. કોરોના વાયરસ લૉકડાઉનને કારણે આ દિવસે પણ મોટા ભાગના લોકો ઘરની અંગર હતા. ત્યારે ભૂકંપની તીવ્રતા 3.5 માપવામાં આવી હતી. ત્યારે કેન્દ્ર દિલ્હીનો પૂર્વ ભાગ હતું. 

ત્યારબાદ 13 એપ્રિલે ફરી ભૂકંપ આવ્યો હતો. આ દિવસે રિક્ટર સ્કેલ પર તીવ્રતા 2.7 નોંધવામાં આવી હતી. ભૂકંપની વધુ તીવ્રતા પ્રમાણે દેશને પાંચ ભાગમાં વેંચવામાં આવ્યો છે. દિલ્હી વધુ તીવ્રતા વાળા ઝોનમાં આવે છે.