પીળાના બદલે લીલા રંગના જેવા મળ્યાં Egg Yolk! આવું કેમ થયું વૈજ્ઞાનિકો પણ શોધી રહ્યાં છે કારણ!

નવી દિલ્હીઃ તમે ઈંડાની વચ્ચે જોવા મળતા જરદીનો પીળો રંગ તો જોયો જ હશે. પરંતુ હવે લીલી જરદી સાથેનું ઈંડુ પણ જોવા મળ્યું છે. ગત વર્ષે કેરળના મલ્લાપુરમના એક ગામમાં રહેતા શિહાબુદ્દીનની મરઘીઓએ લીલી જરદી સાથે ઈંડાં મૂક્યાં હતાં.  આ પછી, આ ઇંડાને જાણવા માટે ઘણા પ્રકારની માહિતી એકત્રિત કરવામાં આવી, સંશોધન કરવામાં આવ્યું. હવે તેનું કારણ એ પણ જાણવામાં આવ્યું છે કે આ મરઘીઓના ઈંડાની જરદી પીળા નહીં પણ લીલા રંગની કેમ હોય છે. અમે તમને એ પણ જણાવીશું કે ઈંડામાં એવું શું થાય છે જે તેની જરદીને સફેદ કે રંગહીનને બદલે પીળી કરી દે છે?

ખરેખર, શિહાબુદ્દીને 6 મરઘી રાખી છે. જ્યારે પ્રથમ મરઘીએ લીલી જરદી સાથે ઈંડુ મૂક્યું ત્યારે તેઓ ચોંકી ગયા. સોશિયલ મીડિયા પર તેનો ફોટો અપલોડ થયા બાદ દેશ-વિદેશના ઘણા લોકોએ તેના વિશે જાણવા માટે સંપર્ક કરવાનું શરૂ કર્યું. કેરળની વેટરનરી એન્ડ એનિમલ સાયન્સ યુનિવર્સિટી (KVASU)એ જાણવા માટે એક અભ્યાસ કર્યો હતો કે આ મરઘીઓના ઈંડાનો પીળા રંગને બદલે લીલો કેમ હોય છે?

લીલી જરદી સાથે ઈંડાં આપતી આ મરઘીઓ સોશિયલ મીડિયા પર વાયરલ થયા બાદ ઘણા લોકોએ તેને ખરીદવાની ઓફર પણ કરી હતી. આ ચિકન ખરીદવા માટે શિહાબુદ્દીનને એક વ્યક્તિ દ્વારા 1 લાખ રૂપિયા સુધીની ઓફર કરવામાં આવી હતી.

વૈજ્ઞાનિકોએ કરી તપાસ:
શરૂઆતમાં, શિહાબુદ્દીનનો પરિવાર પણ લીલી જરદી સાથે ઇંડા ખાતો ન હતો. તેણે આ ઇંડા છોડી દીધા. જ્યારે આ ઈંડામાંથી બચ્ચાઓ બહાર આવ્યા ત્યારે તેમને ખાતરી થઈ ગઈ કે લીલી જરદીવાળા ઈંડા ખાઈ શકાય છે. ખાસ વાત એ છે કે આ ઈંડાનો સ્વાદ બિલકુલ સામાન્ય ઈંડા જેવો હોય છે. સોશિયલ મીડિયા પર વાયરલ થયા બાદ ઘણા લોકોએ તેની પાસે આ ઈંડાની માગ પણ કરી હતી. જોકે, તેણે તેનો ઈન્કાર કર્યો હતો. શિહાબુદ્દીને કહ્યું કે જ્યાં સુધી KVASU ના વૈજ્ઞાનિકો કારણ શોધી નહીં લે ત્યાં સુધી તેઓ એક પણ ઈંડુ વેચશે નહીં.

ઈંડાની જરદીનો રંગ લીલો કેમ હોય છે?
આ અંગેના અભ્યાસ બાદ KVASUના વૈજ્ઞાનિકોનું માનવું છે કે આ મરઘીઓને ચોક્કસ પ્રકારનો ખોરાક આપવામાં આવ્યો હતો, જેના કારણે આ ઈંડાની જરદી લીલા રંગની થાય છે હવે તેઓ કહે છે કે કદાચ આ લીલો રંગ મરઘીઓને આપવામાં આવતા લીલા ખોરાકને કારણે છે. શિહાબુદ્દીન આ મરઘીઓને ખાસ કંઈ ખવડાવતો નથી. તેઓ આ મરઘીઓને છોડના લીલા પાંદડા, કેળાના લીલા પાંદડા, હળદર અને પાલક ખવડાવે છે. આ ઉપરાંત ચોખા, ઘઉં અને નારિયેળનો માવો પણ ખવડાવવામાં આવે છે.

ઈંડાની જરદીનો રંગ પીળો કેમ હોય છે?
આપને જણાવી દઈએ કે ઈંડાની જરદીનો રંગ કેરોટીનોઈડ્સને કારણે હોય છે. તે એક પ્રકારનું રંગદ્રવ્ય છે, જેના કારણે શાકભાજી અને ફળોનો રંગ લાલ, નારંગી અથવા પીળો હોય છે. આ રંગદ્રવ્ય લીલા છોડમાં પણ જોવા મળે છે જેથી સૂર્યપ્રકાશમાં તેને નુકસાન ન થાય. ચિકનમાં, આ રંગદ્રવ્ય તેમના ખોરાક દ્વારા પહોંચે છે. જ્યારે ચરબીમાં કેરોટીનોઈડ્સ એકઠા થાય ત્યારે જ જરદીનો રંગ બદલાય છે. ઇંડાની જરદીનો ત્રીજા ભાગનો ભાગ ચરબી હોય છે.