Maharashtra: આ મહાનગર પાલિકાના 80 કર્મચારીઓ નીકળ્યા કોરોના પોઝિટિવ, વધી રહ્યો છે કોરોનાનો પ્રકોપ

અનિલ દાલવે, અમરાવતી: મહારાષ્ટ્ર (Maharashtra) ના અમરાવતી (Amravati) માં કોરોના વાયરસનો પ્રકોપ ખુબ ઝડપથી વધી રહ્યો છે. અમરાવતી મહાનગર પાલિકામાં કામ કરતા 80 કર્મચારી કોરોના પોઝિટિવ (Corona Positive)  નીકળ્યા છે. જ્યારે 5 કર્મચારીઓના કોરોના વાયરસ (Corona Virus) સંક્રમણના કારણે મોત થઈ ચૂક્યા છે. 

અમરાવતી મહાનગર પાલિકાના 80 કર્મચારી કોરોના પોઝિટિવ
અત્રે જણાવવાનું કે કોરોના વાયરસ (Corona Virus) પોઝિટિવ આવેલા અમરાવતી (Amravati) મહાનગર પાલિકાના કર્મચારીઓમાં ડોક્ટર અને એન્જિનિયર સહિત તમામ પદો પર કામ કરતા લોકો સામલ છે. અમરાવતી મહાનગર પાલિકામાં કામ કરનારા કુલ કર્મચારીઓની સંખ્યા 3000 છે. આ ઉપરાંત પ્રાઈવેટ રીતે કામ કરવા માટે પણ કર્મચારીઓ રાખવામાં આવ્યા છે. 

ડીએમ ઓફિસમાં 60થી વધુ કર્મચારીઓ પોઝિટિવ
નોંધનીય છે કે અમરાવતી જિલ્લાના ડિસ્ટ્રિક્ટ મેજિસ્ટ્રેટની ઓફિસમાં કામ કરતા 60-65 કર્મચારીઓ કોરોના પોઝિટિવ હોવાની વાત સામે આવી છે. અમરાવતીના ડીએમની ઓફિસમાં કામ કરનારા કર્મચારીઓની કુલ સંખ્યા 200 છે. 

સંત ગાડગે બાબા અમરાવતી યુનિવર્સિટીમાં 56 કર્મચારીઓ સંક્રમિત
આ બાજુ સંત ગાડગે બાબા અમરાવતી યુનિવર્સિટીમાં કામ કરતા 56 કર્મચારીઓ પણ કોરોના પોઝિટિવ નીકળ્યા છે. કોરોના સંક્રમિત દર્દીઓને ક્વોરન્ટિન કરવામાં આવ્યા છે. અત્રે જણાવવાનું કે ઝડપથી વધી રહેલા કોરોના વાયરસના કેસ જોતા અમરાવતીમાં 2 અઠવાડિયાનું લોકડાઉન લાગુ છે. 8 માર્ચ સુધી અમરાવતીમાં લોકડાઉન ચાલુ રહેશે. ત્યારબાદ હાલાત જોઈને લોકડાઉન આગળ વધારવું કે નહીં તે નિર્ણય લેવાશે. અમરાવતીમાં ગુરુવારે કોરોના વાયરસના 673 નવા કેસ સામે આવ્યા હતા. જ્યારે 9 દર્દીઓના કોરોનાના કારણે મોત થયા હતા.