દિલ્હીના ધોળા કુવા રિંગરોડ પર એન્કાઉન્ટર, ISISના આતંકીની ધરપકડ

નવી દિલ્હી: દેશની રાજધાની નવી દિલ્હી (Delhi)માં પોલીસને મોટી સફળતા મળી છે. પોલીસના જવાનોએ ગત રાત્રી 11.30 વાગ્યે રિઝ રોડથી ઇસ્લામિક સ્ટેટ (ISIS)ના એક આંતકી (Terrorist)ની ધરપકડ કરી છે. પોલીસને મળેલી જાણકારી અનુસાર તેની પાસે આઇઇડી (IED) પણ મળી આવ્યો છે. પોલીસે જણાવ્યું કે, આતંકી જ્યારે ધોળા કુવાથી કરોલ બાગ તરફ જઇ રહ્યો હતો, ત્યારે તેની ધરપકડ કવામાં આવી છે.

આ પણ વાંચો:- ભારતે આપ્યો મોટો ઝટકો, સેમી હાઇ સ્પીડ ટ્રેનોના નિર્માણથી ચીન કંપનીઓ બહાર

યુપીનો રહેવાસી છે આતંકી
તમને જણાવી દઇએ કે અબ્દુલ યૂસુફ ખાન (Abdul Yusuf Khan) નામનો આ આતંકી ઉત્તર પ્રદેશ (Uttar Pradesh)નો રહેવાસી છે. જેની ગત રાત્રી 11.30 વાગે કરોલ બાગ પાસેથી રિઝ રોડ પરથી ધરપકડ કરવામાં આવી છે.

આ પણ વાંચો:- બસમાં માણો 'દિલ્હીથી લંડન' સુધીના પ્રવાસની મજા, ફક્ત લાગશે આટલા દિવસ

દિલ્હી પોલીસે જણાવ્યું કે, ધરપકડ કરવામાં આવેલા આતંકીની હાલ પૂછપરછ ચાલી રહી છે. પોલીસના જણાવ્યા અનુસાર, દિલ્હીમાં તેના કેટલાક અન્ય સાથી પણ છે, જે અબ્દુલ યૂસુફની મદદ કરી રહ્યાં હતા. તમની ધરપકડ માટે જુદી જુદી જગ્યાઓ પર દરોડા પાડવામાં આવી રહ્યાં છે.