Fact Check: 1 સપ્ટેમ્બરથી દેશભરમાં બધાના વીજળી બિલ માફ થઈ જશે?

નવી દિલ્હી: શું તમે પણ વીજળીના બિલની માફીને લઈને કોઈ ખબર સાંભળ્યા છે કે વાંચ્યા છે? તમને લાગે છે કે તમારું વીજળીનું બિલ 1 સપ્ટેમ્બરથી માફ થવાનું છે? તો થોભો...કારણ કે આ સમાચાર સંપૂર્ણપણે ફેક ન્યૂઝ છે. જો તમે આવા કોઈ સમાચાર જાણ્યા હોય કે વીડિયો જોયો હોય તો તેના પર જરાય વિશ્વાસ ન કરતા. આવો તમને આ ખબરની સચ્ચાઈ જણાવીએ...

ફેક છે આ ન્યૂઝ
અત્રે જણાવવાનું કે છેલ્લા કેટલાક સમયથી સોશિયલ મીડિયા પ્લેટફોર્મ યૂટ્યુબ પર એક વીડિયો વાયરલ થઈ રહ્યો છે. આ વીડિયોમાં કહેવાય છે કે સરકાર વીજળીનું બિલ માફી યોજના 2020 લાવી રહી છે. આ યોજના હેઠળ તમામ લોકોના ઘરના વીજળીના બિલ સંપૂર્ણપણે માફ થઈ જશે. 

PIBએ Fact Checkમાં જણાવ્યું
આ ફેક ન્યૂઝ અંગે PIBએ ફેક્ટ ચેક કરીને જણાવ્યું છે કે આ દાવો ફેક છે. સરકાર તરફથી આવી કોઈ પણ પ્રકારની યોજનાની જાહેરાત કરવામાં આવી નથી. 

ફેક ન્યૂઝ અંગે તમે પણ કરી શકો છો ફેક્ટ ચેક
જો તમને આવા કોઈ પણ ન્યૂઝ કે મેસેજ મળે તો પછી તમે પીઆઈબી પાસે ફેક્ટ ચેક માટે https://factcheck.pib.gov.in/ અથવા વોટ્સએપ નંબર +918799711259 કે પછી ઈમેઈલ pibfactcheck@gmail.com પર તેને મોકલી શકો છો. આ જાણકારી પીઆઈબીની વેબસાઈટ https://pib.gov.in પર ઉપબલ્ધ છે.