ડ્યૂટી સમયે દારૂની મજા માણતા પકડાઈ મહિલા કર્મચારી, VIDEO વાઈરલ થતા સસ્પેન્ડ થઈ

કાનપુર: ઉત્તર પ્રદેશના કાનપુરમાં સરકારને આધીને એક કોર્પોરેશનની મહિલા કર્મચારી દ્વારા સરકારી કાર્યાલયમાં જ પુરુષ સહકર્મીઓ સાતે બેસીને દારૂ પીવાનો વીડિયો વાઈરલ થઈ રહ્યો છે. આ વીડિયોએ એટલો હડકંપ મચાવ્યો કે રઝિયા ખાન નામની કર્મચારી પર તવાઈ આવી ગઈ અને તેને તત્કાળ પ્રભાવથી સસ્પેન્ડ કરવામાં આવી. સરકારી ઓફિસમાં આ બધુ ડ્યૂટી સમયે જ થઈ રહ્યું હતું. 

કાનપુરમાં દક્ષિણાચ વિદ્યુત વિતરણ નિગમનું કાર્યાલય છે. મળતી માહિતી મુજબ એક સાંજે લગભગ 4 વાગે નિગમના મીટર પરિક્ષણ વિભાગમાં એક મહિલા કર્મચારી તેના બે પુરુષ સહકર્મીઓ સાતે બેસીને દારૂની મજા માણી રહી હતી. કોઈએ આ સમગ્ર ઘટના મોબાઈલના કેમેરામાં કેદ કરી લીધી અને ડિવિઝનના ટોચના ઓફિસરોને ફોરવર્ડ કરી દીધો. 

નિગમના ચીફ એક્ઝિક્યુટિવ એન્જિનિયર પ્રશાંત સિંહ બે દિવસ પહેલા જ રજાઓ ગાળીને આવ્યાં હતાં. તેમણે આ વીડિયો જોયો તો ખબર પડી ગઈ કે તે ડિવિઝનની અંદરનો જ છે. તેમણે તત્કાળ કાર્યવાહી કરતા મહિલા કર્મચારી રઝિયાને સસ્પેન્ડ કરી દીધી. રઝિયા હવે પોતાની ભૂલ પર પસ્તાઈ રહી છે. તેણે ભૂલનો સ્વીકાર કરતા કહ્યું કે આ ઘટના કોઈ એક વર્ષ જૂની છે. જેને હવે જાણીજોઈને બધાની સામે લાવવામાં આવી છે. 

જુઓ LIVE TV