Vande Bharat Train: વંદે ભારત ટ્રેનમાં આગ ફાટી નીકળી, તમામ મુસાફરો સુરક્ષિત

ભોપાલથી દિલ્હી જઈ રહેલી વંદે ભારત ટ્રેનમાં આગ લાગી છે. મળતી માહિતી મુજબ આજે સવારે રાણી કમલાપતિ રેલવે સ્ટેશનથી નિઝામુદ્દીન માટે રવાના થયેલી વંદે ભારત ટ્રેનની C14 બોગીમાં કુરવાઈ સ્ટેશન પાસે બેટરીથી આગ લાગી ગઈ. એવું કહેવાઈ રહ્યું છે કે આ ઘટનામાં કોઈ જાનમાલનું નુકસાન થયું નથી. તમામ મુસાફરોને સુરક્ષિત બહાર કાઢી લેવાયા છે. 

મળતી માહિતી મુજબ રાણી કમલાપતિથી નિઝામુદ્દીન જઈ રહેલી વંદે ભારત ટ્રેનના C-14 કોચમાં આગ લાગી. ટ્રેન નંબર 20171 ભોપાલ-હજરત નિઝામુદ્દીન વંદે ભારત ટ્રેન સવારે 5.40 વાગે રવાના થઈ હતી. ઘટના બીના પહેલા ઘટી. ટ્રેનમાં મુસાફરી કરી રહેલા મુસાફરોના જણાવ્યાં મુજબ આગ બેટરીથી લાગી. આગની સૂચના મળતા જ ટ્રેનને રોકીને તમામ મુસાફરોને સુરક્ષિત કાઢી લેવાયા છે.