Breaking: કાનપુરના હ્રદય રોગ સંસ્થાનના ICU માં ભીષણ આગ લાગી, અનેક દર્દીઓ ફસાયા

કાનપુર: કાનપુર (Kanpur) ની એક હોસ્પિટલ આગની ઝપેટમાં આવી ગઈ છે. મળતી માહિતી મુજબ કાનપુરની LPS ઈન્સ્ટિટ્યૂટ ઓફ કાર્ડિયોલોજી (LPS Institute Of Cardiology) ના આઈસીયુમાં આગ લાગી છે. આજે સવારે અચાનક આગ ફાટી નીકળી. અફડાતફડીમાં દર્દીઓને બહાર કાઢવામાં આવી રહ્યા છે. જો કે હજુ પણ અનેક દર્દીઓ હોસ્પિટલમાં ફસાયેલા છે. ફાયરની અનેક ગાડીઓ ઘટનાસ્થળે પહોંચી છે. 

સૂત્રોનું માનીએ તો હજુ પણ હોસ્પિટલમાં 50થી 100 જેટલા દર્દીઓ અને અન્ય લોકો ફસાયેલા છે. આગની સૂચના મળતા ફાયરની બે ગાડીઓ ઘટનાસ્થળે પહોંચી ગઈ હતી. હાલ કોઈ જાનહાનિના અહેવાલ નથી. આગ લાગવાનું કારણ જાણી શકાયું નથી પરંતુ પ્રથમ દ્રષ્ટિએ આ મામલો શોર્ટસર્કિટનો લાગી રહ્યો છે. ફર્સ્ટ ફ્લોર પર આવેલા આઈસીયુમાંથી હજુ પણ ધૂમાડા નીકળી રહ્યા છે. દર્દીઓની બહાર રોડ પર સારવાર ચાલુ છે.