હું પોસ્ટર બોય નથી, પંચિંગ બેગ છું, કારણ કે નોર્થ-ઇસ્ટથી આવુ છું: પૂર્વ CJI રંજન ગોગાઇ

નવી દિલ્હી: પોતાના પુસ્તક ‘Justice for the Judge’ ને લઇને ચર્ચાઓમાં પૂર્વ મુખ્ય ન્યાયાધીશ રંજન ગોગાઇ (Ranjan Gogoi) નું કહેવું છે કે તે કોઇ પોસ્ટર બોય નથી પરંતુ એક પંચિંગ બેગ છે કારણ કે તે નોર્થ-ઇસ્ટમાંથી આવે છે. Zee News ને આપેલા પોતાના એક્સક્લૂસિવ ઇન્ટરવ્યુંમાં જસ્ટિસ ગોગાઇએ આ વાત કહી. 

'નોર્થ-ઇસ્ટથી આવી ન શકે પોસ્ટર બોય'
ઇન્ટરવ્યું દરમિયાન જ્યારે સુધીર ચૌધરીએ પૂછ્યું કે શું તમે તે સમયના પોસ્ટર બોય હતા? તો આ પ્રશ્નના જવાબમાં જસ્ટિસ ગોગાઇએ કહ્યું કે તેમણે નિશાન બનાવવામાં આવ્યા કારણ કે તે પૂર્વોત્તરથી નાતો ધરાવે છે. તેમણે જણાવ્યું કે તેમને ત્યારે એવું મહેસૂસ થયું ન હતું હવે તે કરે છે. તેમણે કહ્યું કે હું પોસ્ટર બોય નથી, હું પંચિંગ બેગ બની ગયો કારણ કે હું નોર્થ-ઇસ્ટથી આવુ છું. તેમણે કહ્યું કે પોસ્ટર બોય નોર્થ-ઇસ્ટથી ન આવી શકે પરંતુ પંચિંગ બેગ આવી શકે છે. 

પુસ્તકમાં લખી છે મહત્વપૂર્ણ વાતો
રંજન ગોગાઇને 9 નવેમ્બર, 2019 રાજકીયરૂપથી સંવેદનશીલ અયોધ્યા ભૂમિ વિવાદ પર નિર્ણય લેવાનો શ્રેય જાય છે, તેમણે પોતાના પુસ્તકમાં લખ્યું કે તેમણે સર્વસંમત્તિથી નિર્ણય સાંભળ્યા બાદ શું કર્યું. આ પુસ્તક તત્કાલિન CJI દીપક મિશ્રાના કામકાજના વિરૂદ્ધ 12 જાન્યુઆરી, 2018 ની નાટકીય અને અભૂતપૂર્વ પત્રકાર પરિષદથી પણ સંબંધિત છે. રંજન ગોગાઇએ પોતાના જીવન સાથે જોડાયેલા તમામ પાસાઓ પર ખુલીને પોતાની વાત રાખી.