ભારત-પશ્ચિમ એશિયા-યુરોપ વચ્ચે ઈકોનોમિક કોરિડોર બનાવવામાં આવશે, G-20થી ઐતિહાસિક ભાગીદારીની જાહેરાત

નવી દિલ્હીઃ ભારત-મધ્ય-પૂર્વ-યુરોપ કનેક્ટિવિટી કોરિડોરની ઐતિહાસિક જાહેરાત ભારતમાં G-20 સમિટના પ્લેટફોર્મ પરથી કરવામાં આવી છે. તેમાં ભારત, અમેરિકા, સંયુક્ત આરબ અમીરાત, સાઉદી અરેબિયા, યુરોપિયન યુનિયન, ફ્રાન્સ, ઈટાલી, જર્મની ભાગ લેશે. G-20 કોન્ફરન્સમાં આ પ્રોજેક્ટની જાહેરાત ચીન માટે પણ એક મહત્વપૂર્ણ સંદેશ છે. કનેક્ટિવિટી અને ઈન્ફ્રાસ્ટ્રક્ચર પર આ સહયોગ ચીનની બહાર તેના પ્રકારની એક મોટી પહેલ છે. અમેરિકી રાષ્ટ્રપતિ જો બાઇડેને કહ્યું કે આ ખરેખર મોટી વાત છે. ચીન આ પ્રોજેક્ટનો વિરોધ કરતું રહ્યું છે.

ભારત માટે કોવિડોરનું મહત્વ
નોંધનીય છે કે ઈન્ડિયા મિડલ ઈસ્ટ યુરોપ ઈકો કોરિડોર પ્રોજેક્ટથી ચીન વિરુદ્ધ ભારતને ડિપ્લોમેટિક અને રણનીતિક લીડ મળશે અને એકવાર આ રસ્તો તૈયાર થઈ ગયો તો મિડલ ઈસ્ટની સાથે યુરોપ-અમેરિકા સુધી ઓછા સમયમાં સામાન મોકલવા અને ટ્રેડ વધારવામાં ભારતને સરળતા થશે. તેનાથી ઓછા સમયમાં સામાન મોકલવા અને ટ્રેડ વધારવાનું કામ સરળતાથી થઈ શકશે. 

અંગોલાથી નવી રેલ લાઇન બનાવશે અમેરિકા
અમેરિકી રાષ્ટ્રપતિએ કહ્યુ કે અમેરિકા હિંદ મહાસાગરની તરફ અંગોલાથી એક નવી રેલ લાઇનમાં રોકાણ કરશે. તેમણે કહ્યું કે તેનાથી નોકરીઓ ઉભી થશે અને ખાદ્ય સુરક્ષા વધશે. બાઇડેને કહ્યુ કે આ એક ગેમ-ચેન્જિંગ રોકાણ છે. તેમણે કહ્યું કે દુનિયા ઈતિહાસના એક વળાંક પર ઉભી છે. આવો મળીને એક થઈ કામ કરીએ. તો સાઉદી અરબના ક્રાઉન પ્રિન્સ મોહમ્મદ બિન સલમાને કહ્યુ કે, સાઉદી અરબ આ પહેલના અમલીકરણ માટે તત્પર છે. તો યુરોપીય સંઘના અધ્યક્ષ ઉર્સુલા વોન ડેર લેયેને કહ્યુ કે આ ભારત, મધ્ય પૂર્વ અને યુરોપની વચ્ચે સૌથી સીધો સંબંધ હશે. તેનાથી યાત્રામાં 40 ટકાની તેજી આવશે.