અર્થવ્યવસ્થાને લાગ્યો ઝટકો, GDP પાંચ વર્ષના સૌથી નીચલા સ્તરે

નવી દિલ્હી: કૃષિ અને વિનિર્માણ ક્ષેત્રમાં નબળા પ્રદર્શનના પગલે ચાલુ નાણાકીય વર્ષ 2018-19ના ચોથા ત્રિમાસિકમાં દેશનો આર્થિક વૃદ્ધિ દર ધીમો પડીને પાંચ વર્ષના ન્યૂનતમ સ્તરે 5.8 ટકા પર પહોંચી ગયો છે. આ અગાઉ નાણાકીય વર્ષ 2017-18ના ચોથા ત્રિમાસિકમાં જીડીપી વૃદ્ધિ દર 7.2 ટકા હતો. 

CSOએ આ સાથે કહ્યું છે કે નાણાકીય વર્ષ 2018-19 દરમિયાન જીડીપી વૃદ્ધિ દર ઘટીને 6.8 ટકા રહ્યો છે. જીડીપી વૃદ્ધિનો આ દર 2014-15  બાદ સૌથી ધીમો છે. આ અગાઉ નાણાકીય વર્ષ 2013-14માં જીડીપી વૃદ્ધિ દરની ગતિ 6.4 ટકા રહ્યો હતો. ચોથા ત્રિમાસિકમાં જીડીપીનો વૃદ્ધિ દર ચીનની આર્થિક વૃદ્ધિની ગતિ 6.4 ટકાથી ઓછો રહ્યો.

જુઓ LIVE TV