દેશ કોરોનાની નાગચૂડમાં, છેલ્લા 24 કલાકમાં નવા કેસનો જબરદસ્ત મોટો વિસ્ફોટ, આંકડો જાણી સ્તબ્ધ થશો

નવી દિલ્હી: કોરોનાથી દેશમાં સ્થિતિ દિન પ્રતિદિન વણસી રહી છે. સ્વાસ્થ્ય મંત્રાલયે બહાર પાડેલા આંકડા મુજબ આજે દેશમાં એક જ દિવસમાં અત્યાર સુધીના સૌથી વધુ 38,902 કોરોના કેસ નોંધાયા છે. જ્યારે છેલ્લા 24 કલાકમાં 543 લોકોના મૃત્યુ થયા છે. આ સાથે જ દેશમાં કોરોના વાયરસના કુલ કેસનો આંકડો 10,77,618 પર પહોંચ્યો છે. જેમાંથી 3,73,379 એક્ટિવ કેસ છે અને 6,77,423 લોકો અત્યાર સુધી સાજા થયા છે. દેશમાં અત્યાર સુધીમાં કોરોના વાયરસથી 26,816 લોકોના જીવ ગયા છે.