માત્ર 10 રૂપિયા માટે પતિએ પત્નીને લાકડીથી માર મારી અધમૂઈ કરી, બાળકો પાસે બનાવડાવ્યો Video

નવી દિલ્હી: સોશિયલ મીડિયા પર છાશવારે એવી કેટલીક તસવીરો અને વીડિયો વાયરલ થતા રહે છે જેને જોઈને દરેક જણ સ્તબ્ધ થાય છે. તેમાંથી અનેક એવી તસવીરો કે વીડિયો હોય છે જે સમાજને અરીસો દેખાડે છે, તો કેટલીક એવી પણ હોય છે કે હચમચાવી નાખે છે. એક આવો જ વીડિયો સોશિયલ મીડિયા પર ઘણા સમયથી વાયરલ થઈ રહ્યો છે. આ વીડિયો જોઈને તમારું પણ લોહી ઉકળી જશે. 

વાયરલ થયેલી વીડિયોને કૈલાશ નાથ યાદવે શેર કર્યો છે અને લખ્યું છે કે યુપી શ્રાવસ્તી, ભિનગા કોટવાલીના મછરિહવા ગ્રામનો આ વીડિયો છે. અવાજ સાંભળીને લાગે છે કે પત્નીએ ખિસ્સામાંથી 10 રૂપિયા કાઢ્યા હતા અને તેની સજા આ પતિએ પત્નીને લાકડીથી પીટાઈ કરીને આપી. આ સાથે જ યુપી પોલીસને આ વ્યક્તિને સજા આપવાની પણ અપીલ કરી છે. 

સોશિયલ મીડિયા યૂઝર્સ આ વીડિયો જોઈને ખુબ ગુસ્સામાં છે. તમામ લોકો આ રાક્ષસજેવા પતિને સજા  આપવાની માંગણી કરી રહ્યા છે.