શિવસૈનિકોના હુમલામાં ઘાયલ થયેલા રિટાયર્ડ નેવી અધિકારી ભાજપમાં જોડાયા, કહ્યું- `હવે હું BJP-RSS સાથે`

મુંબઈ: શિવસૈનિકોના હુમલામાં ઘાયલ થયેલા રિટાયર્ડ નેવી અધિકારી હવે ભાજપમાં જોડાઈ ગયા છે. તેઓ આજે મહારાષ્ટ્રના રાજ્યપાલ ભગત સિંહ કોશ્યારીને પણ મળ્યા અને ન્યાયની માગણી કરી. પૂર્વ નેવી અધિકારી મદન શર્માએ ગત અઠવાડિયે શિવસેનાના કાર્યકરો પર મારપીટનો આરોપ લગાવ્યો હતો. તેમને આંખમાં ગંભીર ઈજાઓ થઈ હતી. આ ઘટનાનો વીડિયો પણ સોશિયલ મીડિયામાં વાયરલ થયો અને ત્યારબાદ મહારાષ્ટ્ર સરકારની આકરી ટીકા થઈ હતી. મુંબઈ પોલીસે આ કેસમાં 6 લોકોની ધરપકડ કરી હતી. જો કે તેમને 24 કલાકની અંદર જામીન પણ મળી ગયા.