લાપતા AN-32 વિમાન દુર્ઘટનામાં કોઈ જીવીત મળ્યું નથી, તમામ 13નાં મોતઃ વાયુસેના

નવી દિલ્હીઃ આસામના જોરહાટથી અરૂણાચલ પ્રદેશના મેચુકા એન્ડવાસ્ડ લેન્ડિંગ ગ્રાઉન્ડ તરફ 3 જુનના રોજ ઉડ્ડયન ભર્યા પછી લાપતા થયેલા વાયુસેનાના AN-32 વિમાનમાં સવાર 13 લોકોમાંથી એક પણ લોકોના જીવતા રહ્યા નથી. વાયુસેના દ્વારા હવે તેમના પરિવારજનોને આ અંગે આધિકારીક જાણ પણ કરવામાં આવી છે. ઉલ્લેખનીય છે કે, મંગળવારે આ વિમાનનો કાટમાળ આકાશમાંથી દેખાયો હતો. બુધવારે વાયુસેનાના પર્વતારોહીએ ત્યાં જવાનો પ્રયાસ કર્યો હતો, પરંતુ ખરાબ હવામાનને કારણે દુર્ઘટનાસ્થળ સુધી તેઓ પહોંચી શક્યા ન હતા.