સિક્કિમ પહેલા 5 મેના રોજ લદ્દાખમાં પણ ભારતીય જવાનો સાથે ચીનાઓએ કર્યું હતુ ઘર્ષણ

નવી દિલ્હી : ગત થોડા દિવસોથી ભારત અને ચીનના સૈનિકો વચ્ચે સીમા વિવાદ મુદ્દે ઘર્ષણની ઘટનાઓ સામે આવી છે. ઉત્તરી સિક્કિમમાં ચીની સૈનિકોએ ભારતીય સેના સાથે ઘર્ષણ કર્યું તે અગાઉ લદ્દાખમાં સૈનિકો એક બીજા સાથે સંઘર્ષમાં ઉતર્યા હતા. ભારત અને ચીન વચ્ચે માત્ર ઉત્તરી સિક્કિમમાં જ નહી પરંતુ 5 મેના રોજ લદ્દાખમાં પણ ઘર્ષણ થયું હતું. ભારત અને ચીનની સેનાના જવાનો લદ્દાખમાં પણ એક બીજા સાથે સંઘર્ષમાં ઉતર્યા હતા.

6 મેનાં દિવસે બંન્ને સેનાઓ વચ્ચે જો કે વિવાદ શાંતિપુર્ણ રીતે ઉકલી ગયો હતો. સિક્કિમમાં સીમા પર ભારતીય અને ચીની સેનાના જવાનો વચ્ચે વિવાદ થયો હતો. આ દરમિયાન બંન્ને દેશના જવાનો એક બીજા સાથે સંઘર્ષમાં ઉતર્યા હતા. જેમાં બંન્ને પક્ષે જવાનોને સામાન્ય ઇજાઓ પણ પહોંચી હતી. 

અનેક વખત ચીનાઓ કરી છે ગુસ્તાખી
ચીન અને ભારતના જવાનો વચ્ચે સીમા વિવાદ મુદ્દે ઘર્ષણ થયા કરે છે. જો કે વિવાદ આંતરિક સંમતીથી ઉકેલી નાખવામાં આવે છે. બંન્ને રાષ્ટ્રો વચ્ચે સ્પષ્ટ સીમા અંગે સંમતી નથી. એવામાં અનેક વખત ચીની સૈનિકો ભારતીય સીમામાં ઘુસી આવે છે. જેનો વિરોધ ભારતીય સેના દરેક વખતે કરે છે. 

ભારત અને ચીન બાદ અનેક સ્થળો પર સીમા વિવાદની સ્થિતી છે. ચીન સેના લદ્દાખથી માંડીને અરૂણાચલ પ્રદેશ સુધી પોતાનો અધિકાર હોવાનો દાવો કરે છે. ભારતીય સેના દેશની સીમા અંદર ચીની સૈનિકોને ઘુસવા દેતી નથી. જેના કારણે ઘર્ષણનાં કિસ્સાઓ સામે આવતા રહે છે.