India Covid Update: ફરીથી ડરાવી રહ્યો છે કોરોના, 109 દિવસ બાદ એક દિવસમાં નોંધાયા આટલા બધા કેસ

India Covid Update: કોરોનાની ચોથી લહેરના ભણકારા વાગી રહ્યા છે. દેશમાં એકવાર ફરીથી કોરોનાના નવા કેસમાં વધારો થઈ રહ્યો છે. છેલ્લા કેટલાક દિવસથી 8 હજારની આસપાસ કેસ નોંધાઈ રહ્યા હતા પણ આજે જે આંકડો સામે આવ્યો છે તે એકદમ ચોંકાવનારો છે. 

આરોગ્ય મંત્રાલયે આજે સવારે જાહેર કરેલા આંકડા મુજબ છેલ્લા 24 કલાકમાં કોરોનાના નવા 12,213 કેસ નોંધાયા છે. ગઈ કાલની સરખામણીમાં કોરોનાના નવા કેસમાં 38.4 ટકાનો વધારો થયો છે. દેશમાં કુલ એક્ટિવ કેસની સંખ્યા 58,215 પર પહોંચી ગઈ છે. જ્યારે ડેઈલી પોઝિટિવિટી રેટ 2.35 ટકા છે. 

છેલ્લા 24 કલાકમાં કોરોનાના કારણે કુલ 11 લોકોના મોત થયા છે. આ દરમિયાન 7,624 લોકો રિકવર પણ થયા. આ અગાઉ બુધવારે એટલે કે એક દિવસ પહેલા કોરોનાના નવા 8,822 નવા કેસ નોંધાયા હતા. એક દિવસમાં કોરોનાના કેસમાં સાડા ત્રણ હજારથી વધુ નવા કેસનો ઉછાળો જોવા મળ્યો છે.