Corona Update: કોરોનાના ઘટતા કેસ રાહત આપી રહ્યા છે પણ વધતો મૃત્યુઆંક ચિંતાજનક

Covid 19 Cases in India: દેશમાં કોરોનાના કેસ ઘટી રહ્યા છે. છેલ્લા 24 કલાકમાં ભારતમાં કોરોનાના નવા 2.34 લાખ નવા કેસ નોંધાયા છે. જ્યારે પોઝિટિવિટી રેટ 14.50 ટકા છે. હાલ દેશમાં 18,84,937 દર્દીઓ સારવાર હેઠળ છે. ગઈ કાલે દેશમાં કોરોનાના નવા 2,35,532 કેસ નોંધાયા હતા. જેની સરખામણીમાં આજે મામૂલી ઘટાડો નોંધાયો છે. 

નવા 2.34 લાખ કેસ
કેન્દ્રીય આરોગ્ય મંત્રાલયે આજે જાહેર કરેલા આંકડા મુજબ છેલ્લા 24 કલાકમાં કોરોના વાયરસના નવા 2,34,281 દર્દીઓ નોંધાયા છે. જ્યારે 3,52,784 દર્દીઓ કોરોનાને માત આપીને રિકવર પણ થયા છે. હાલ કોરોનાનો ડેઈલી પોઝિટિવિટી રેટ 14.50 ટકા છે. જ્યારે કોરોનાથી રિકવરી રેટ 94.21 ટકા છે.