`હું કારગિલમાં લડ્યો, અભિનંદન બાલાકોટમાં લડ્યાં, તેમની સાથે ઉડાણ ભરવી એ સુખદ અનુભવ`

પઠાણકોટ: બાલાકોટ એરસ્ટ્રાઈક બાદ આ જ વર્ષે 27 ફેબ્રુઆરીના રોજ પાકિસ્તાની એફ 16 ફાઈટર જેટને તોડી પાડનારા વિંગ કમાન્ડર અભિનંદન વર્ધમાને એકવાર ફરીથી મિગ-21માં ઉડાણ ભરી. આ વખતે તેમની સાથે વાયુસેના ચીફ બીએસ ધનોઆ પોતે હતાં. આ અવસરે  એર ચીફ માર્શલ બીએસ ધનોઆએ કહ્યું કે અભિનંદન સાથે ઉડાણ ભરવી એક સુખદ અનુભવ હતો. કારણ કે તેમને ફ્લાઈંગ કેટેગરી પાછી મળી ગઈ. દરેક પાઈલટ તે ઈચ્છતો હોય છે. હું પણ 1988માં વિમાનમાંથી ઈન્જેક્ટ કરી ગયો હતો અને મને ફ્લાઈંગ કેટેગરી પાછી મળતા 9 મહિના લાગી ગયા હતાં. અભિનંદનને તો છ મહિનાની અંદર જ આ કેટેગરી પાછી મળી ગઈ છે. 

બીએસ ધનોઆએ કહ્યું કે અભિનંદન સાથે ઉડાણ ભરવી એ પર્સનલી પણ ખુબ સુખદ અનુભવ રહ્યો. કારણ કે તેઓ તેમના પિતા સાથે પણ ઉડાણ ભરી ચૂક્યા છે. ઉલ્લેખનીય છે કે રિટાયર થયા પહેલા એર ચીફ માર્શલ ધનોઆની ફાઈટર વિમાન સાથે છેલ્લી ઉડાણ હતી. પઠાણકોટ એરબેસથી મિગ 21 ટાઈપ 69 ફાઈટર વિમાન સાથે તેમણે સવારે 11:30 વાગે લગભગ 30 મિનિટ સુધી ઉડાણ ભરી.