J&Kમાં સુરક્ષાદળો આકરા પાણીએ, ગાંદરબલમાં અથડામણ, લશ્કરના 2 આતંકીઓનો ખાતમો

શ્રીનગર: જમ્મુ અને કાશ્મીરના ગાંદરબલમાં આજે સવારે થયેલા આતંકીઓ સાથે અથડામણમાં 2 આતંકીઓનો ખાતમો થયો હોવાના અહેવાલ છે. સુરક્ષાદળોને ગાંદરબલના ગુંડ વિસ્તારમાં 2-3 આતંકીઓ છૂપાયેલા હોવાની માહિતી મળી હતી. ત્યારબાદ પોલીસ, સીઆરપીએફ અને સેનાની જોઈન્ટ ટીમે સમગ્ર વિસ્તારને ઘેર્યો અને આતંકીઓએ પોતાને ઘેરાયેલા જોતા જ સુરક્ષાદળો પર ફાયરિંગ શરૂ કરી દીધુ હતું. બંને તરફથી થયેલા ફાયરિંગમાં બે આતંકીઓ માર્યા ગયા હોવાનું જાણવા મળ્યું છે. જો કે હજુ સુધી માર્યા ગયેલા આતંકીઓની લાશ મળી નથી. પરંતુ એવું કહેવાય છે કે તેઓ લશ્કર એ તૈયબના આતંકીઓ હતાં. આ બાજુ બાંદીપોરામાં પણ એક આતંકી માર્યો ગયો હોવાના અહેવાલ છે. 

22 કલાક ચાલેલી અથડામણમાં લશ્કરના કમાન્ડર સહિત બે આતંકીઓ ઠાર
મળેલી માહિતી મુજબ જિલ્લાના લાવડારા વિસ્તારમાં એક રહેણાંક જગ્યાએ રવિવારે બપોરે સુરક્ષાદળોને બે આતંકીઓ છૂપાયેલા હોવાની માહિતી મળી હતી. જેના આધારે સેના, સીઆરપીએફ અને જમ્મુ કાશ્મીર પોલીસ દ્વારા એક જોઈન્ટ ઓપરેશન ચલાવવામાં આવ્યું. એક અધિકારીએ જાણકારી આપતા કહ્યું હતું કે સર્ચ ઓપરેશન દરમિયાન આતંકીઓએ જવાનો પર ફાયરિંગ કર્યું અને જવાનોએ પણ જડબાતોડ જવાબ આપતા જોરદાર અથડામણ થઈ. 

જુઓ LIVE TV