કર્ણાટક પેટાચૂંટણી : 15 વિધાનસભાની સીટ પર મતદાન, ભાજપ માટે કરો યા મરોની સ્થિતિ

બેંગ્લુરુ : આજે કર્ણાટક (karnataka)માં પંદર બેઠકો માટે પેટા ચૂંટણી યોજાઈ રહી છે. આ બેઠકો પર કર્ણાટકની ભાજપ (BJP) સરકારનો મદાર છે. હાલની યેદ્દીયુરપ્પાની સરકારને બચાવવા અને કોંગ્રેસ-જદ-એસ ફરીથી સત્તામાં આવવા માટે પંદર પૈકીની ઓછામાં ઓછી છ બેઠકો ભાજપને જીતવી પડશે. આ પંદર બેઠકો માટે સવારના સાત વાગ્યાથી મતદાન શરૂ થઈ ગયું છે અને સાંજના છ વાગ્યા સુધી મતદાન થશે. આ ચૂંટણીમાં 37.78 લાખ મતદારો વોટિંગ કરશે.  

આ પેટાચૂંટણી અઠાની, કગવાડ, ગોકક, યેલાપુર, રાનીબેન્નુર, વિજયનગર, ચેકબેલાપુર, કે.આર. પુરા, યશવંતપુરા, મહાલક્ષ્મી લેઆઉટ, શિવાજીનગર, હોસાકોટે, કે.આર. પેટે અને હુનસુર સીટ પર યોજાઈ રહી છે.