Karnataka Election EXIT POLL: ઓલ્ડ મૈસૂર રીઝનની 55 સીટો પર કોંગ્રેસ કરી રહી છે ભાજપના સૂપડા સાફ, જોઇ લો આંકડા

Karnataka Election EXIT POLL: કર્ણાટક વિધાનસભા માટે મતદાન બુધવારે (10 મે) ના રોજ સમાપ્ત થયું. મહિનાઓ સુધી ચાલેલા ચૂંટણી યુદ્ધ પછી હવે રાજ્યના પરિણામોનો વારો છે, પરંતુ કર્ણાટકના પરિણામો પહેલા એબીપી ન્યૂઝ સી વોટરનો એક્ઝિટ પોલ સામે આવ્યો છે. સત્તાવાર પરિણામો બહાર આવે તે પહેલા એક્ઝિટ પોલમાં કોંગ્રેસ આગળ છે.

એબીપી ન્યૂઝ-સી વોટરના એક્ઝિટ પોલ અનુસાર ઓલ્ડ મૈસૂર પ્રદેશમાં ભાજપનો સફાયો થઈ ગયો છે. કોંગ્રેસે અહીં જોરદાર લીડ જાળવી રાખી છે. ઓલ્ડ મૈસુરમાં 55 સીટો છે, જેમાંથી કોંગ્રેસને 28 થી 32, જેડીએસને 19 થી 23 અને બીજેપીને માત્ર 0-4 સીટો મળી રહી છે. એટલે કે ઓલ્ડ મૈસુર વિસ્તારમાં ભાજપનો સફાયો થઈ ગયો છે.

કોંગ્રેસને 38 ટકા વોટ
આ સિવાય ઓલ્ડ મૈસૂર પ્રદેશમાં મતદાનની ટકાવારીમાં પણ કોંગ્રેસ ભાજપ કરતાં ઘણી આગળ છે. અહીં કોંગ્રેસને 38 ટકા, ભાજપને 26 ટકા અને જેડીએસને 29 ટકા વોટ મળી રહ્યા છે. આ સિવાય 7 ટકા વોટ અન્યના ખાતામાં જઈ રહ્યા છે. બીજી તરફ અન્યના ખાતામાં 0-3 બેઠકો જતી જોવા મળી રહી છે.

એક્ઝિટ પોલમાં, ઓલ્ડ મૈસૂર ક્ષેત્રમાં કોંગ્રેસ અને જેડીએસ વચ્ચે સીધો મુકાબલો જોવા મળી રહ્યો છે, જ્યારે બીજેપી આંકડામાં ઘણી પાછળ છે. હવે તમામની નજર 13મી તારીખે ટકેલી છે, જે દિવસે ચૂંટણી પરિણામ જાહેર થશે.