Karnataka Election Exit Poll Result 2023: કર્ણાટકમાં ભાજપ કે કોંગ્રેસ, જાણો Republic TV P Maro Exit Poll ના પરિણામો

Karnataka Exit Polls Result 2023: કર્ણાટક વિધાનસભા ચૂંટણી 2023ની 224 સીટો પર લોકોએ પોતાનો નિર્ણય ઈવીએમ મશીનમાં કેદ કરી લીધો છે. તેના પરિણામો 13 મેના રોજ આવવાના છે. આ પહેલા કર્ણાટકના એક્ઝિટ પોલના પરિણામો સામે આવ્યા છે. તેના પરથી અંદાજ લગાવી શકાય છે કે રાજ્યમાં કયો પક્ષ સત્તામાં આવવાનો છે. જો કે ભારતીય જનતા પાર્ટી (BJP) રાજ્યમાં ફરીથી શાસન કરવાની આશા રાખી રહી છે, કોંગ્રેસ પુનરાગમનની આશા રાખી રહી છે.

કર્ણાટકની 224 વિધાનસભા બેઠકો પર બુધવારે મતદારોએ 2615 ઉમેદવારોના ભાવિનો નિર્ણય કર્યો છે. સવારે 7 વાગ્યાથી સાંજના 6 વાગ્યા સુધી વધેલી મતદાનની ટકાવારીએ મુકાબલાને વધુ આકરો બનાવી દીધો છે. કર્ણાટકમાં લગભગ 5 કરોડ 31 લાખ મતદારો છે અને 58 હજાર 545 મતદાન મથકો પર મતદાન થયું હતું. જેમાં 42 લાખ 48 હજાર મતદારોએ પ્રથમ વખત મતદાન કર્યું હતું. આવી સ્થિતિમાં પ્રથમવાર મતદારો અને મહિલાઓનું વલણ પણ નિર્ણાયક સાબિત થઈ શકે છે.

રિપબ્લિક ટીવીનો એક્ઝિટ પોલ શું કહે છે?
રિપબ્લિક ટીવી પી-માર્ક્યૂના એક્ઝિટ પોલ મુજબ ભાજપને 85 થી 100 સીટો, કોંગ્રેસને 94 થી 108 સીટો અને જેડીએસને 24 થી 31 સીટો અને અન્યને 2 થી 6 સીટો મળવાની આશા છે.

લગભગ 3 લાખ મતદાન કર્મચારીઓ અને લગભગ 2 લાખ સુરક્ષા કર્મચારીઓની તૈનાતી વચ્ચે ભાજપના 224, કોંગ્રેસના 223 અને જેડીએસના 209 ઉમેદવારો મેદાનમાં છે. AAP અને અન્ય કેટલીક પાર્ટીઓના ઉમેદવારો પણ મોટી સંખ્યામાં ઉભા છે. થોડી ધીમી શરૂઆત પછી, ભાજપ પીએમ નરેન્દ્ર મોદી દ્વારા રેલીઓ અને રોડ શો દ્વારા તેની તરફેણમાં મતદાનની ટકાવારી વધારવાની આશા રાખે છે. સાથે જ કોંગ્રેસને પણ પોતાની જીતનો વિશ્વાસ છે. સ્પષ્ટ બહુમતી ન મળવાની સ્થિતિમાં, જેડીએસ કિંગમેકર બનવાની અથવા 2018ની જેમ તેના પોતાના નેતૃત્વ હેઠળ સત્તામાં આવવાની આશા રાખે છે.