સાચવજો! તમારું બાળક પણ મોબાઈલ વાપરતાં આ નથી કરતું ભૂલ, એક બાળકીના મોઢા સામે થયો બ્લાસ્ટ

Mobile Phone Explosion: કેરળમાં મોબાઈલ ફોનની બેટરીમાં અચાનક વિસ્ફોટ થવાને કારણે એક શાળાની વિદ્યાર્થીનીનું મોત થયું છે. કેરળના તિરુવિલ્વામાલાની આદિત્યશ્રી સોમવારે રાત્રે પોતાનો મોબાઈલ ફોન વાપરી રહી હતી ત્યારે અચાનક વિસ્ફોટ થયો હતો. કથિત રીતે તેના ચહેરા પર વિસ્ફોટ થવાને કારણે તેણે પોતાનો જીવ ગુમાવ્યો હતો. કેરળ પોલીસે આ મામલાની માહિતી આપી છે.

કેરળમાં મોબાઈલ વિસ્ફોટની ઘટના સામે આવી છે. આ ઘટનામાં એક શાળાની છોકરીનું મોત થયું છે. કેરળના તિરુવિલ્વામાલાની આદિત્યશ્રી સોમવારે રાત્રે પોતાનો મોબાઈલ ફોન વાપરી રહી હતી ત્યારે અચાનક તે મોબાઈલ ફાટ્યો હતો.

કેરળ પોલીસે સમાચાર એજન્સી પીટીઆઈને જણાવ્યું કે 8 વર્ષીય આદિત્યશ્રી સ્થાનિક સ્કૂલ ક્રાઈસ્ટ ચર્ચ લાઈફ સ્કૂલમાં ત્રીજા ધોરણની વિદ્યાર્થીની છે. સોમવારે રાત્રે લગભગ 10:30 વાગ્યે તે તેના ફોન પર એક વીડિયો જોઈ રહી હતી, ત્યારે અચાનક ફોનની બેટરીમાં વિસ્ફોટ થયો હતો. બાળકીને તાત્કાલિક હોસ્પિટલ લઈ જવામાં આવી, પરંતુ તેને બચાવી શકાઈ નહીં. ફોરેન્સિક ટીમ આ મામલે તપાસ કરી રહી છે. પોલીસે કેસ નોંધી તપાસ હાથ ધરી છે. આ મામલે વધુ વિગતોની રાહ જોવાઈ રહી છે.

પોલીસ અધિકારીઓના જણાવ્યા અનુસાર, ફોરેન્સિક નિષ્ણાતોની એક ટીમ મામલાની તપાસ કરવા માટે છોકરીના ઘરે ગઈ છે અને મોબાઈલ વિસ્ફોટના કારણની તપાસ કરી રહી છે. પોલીસના જણાવ્યા અનુસાર, મોબાઈલમાં વિસ્ફોટ થવાનું કારણ બેટરી વધારે ગરમ થવાને કારણે હોવાનું કહેવાય છે.