કિસાન આંદોલનમાં રાજનીતિઃ રાહુલની પીએમને ચેતવણી, નકવીએ કહ્યુ- અમે કોંગ્રેસ નથી

નવી દિલ્હીઃ સંસદના ચોમાસુ સત્રમાં પાસ કરવામાં આવેલા 3 કૃષિ કાયદાની વિરુદ્ધ પંજાબ, હરિયાણા અને ઉત્તર પ્રદેશના કિસાન દિલ્હી કૂચ કરી રહ્યાં છે. જગ્યાએ-જગ્યાએ તેમને રોકવા માટે ગુરૂવારથી હરિયાણા અને દિલ્હીમાં મોટી સંખ્યામાં પોલીસને તૈનાત કરવામાં આવી, બેરિકેડિંગ કરવામાં આવ્યું. કેટલાક સ્થળો પર ઘર્ષણ થયું પરંતુ શુક્રવારે બપોરે આખરે કિસાનોને દિલ્હી આવવાની મંજૂરી આપવામાં આવી છે. ત્યારબાદ કોંગ્રેસ નેતા રાહુલ ગાંધી ટ્વિટર પર ગાજ્યા- હજુ તો આ શરૂઆત છે, સરકારે કાળા કાયદાને પરત લેવો પડશે. કિસાન આંદોલન પર રાજકીય તડકો લાગી ગયો છે. ભાજપ કોંગ્રેસ પર કિસાનોને ભડકાવવાનો આરોપ લગાવી રહી છે. કોંગ્રેસના આરોપ નકારી રહી છે. સરકાર કહી રહી છે કે તે વાતચીત માટે તૈયાર છે. કિસાનો કહી રહ્યાં છે કે કાયદાને પરત લો.