કોલકાતા પોલીસનો બદલો! પૂર્વ વચગાળાના CBI ચીફની પત્નીના ઘરે દરોડા

સીબીઆઇ વિરુદ્ધ પોલીસની લડાઇ હવે એક નવા જ વળાંક પર પહોંચી ચુકી છે. કોલકાતા પોલીસે શુક્રવારે સીબીઆઇનાં પૂર્વ વચગાળાનાં નિર્દેશક નાગેશ્વર રાવની પત્નીનાં ઘર સહિત 2 સ્થળ પર દરોડા પાડ્યા હતા. પશ્ચિમ બંગાળ પોલીસે એક દરોડો કોલકાતામાં અને બીજો દરોડો સોલ્ટ લેકમાં નાગેશ્વર રાવની પત્ની એજેલીના મર્ચેટાઇલ પ્રાઇવેટ લિમિટેડ પર માર્યો હતો. જો કે નાગેશ્વર રાવે એક પત્ર બહાર પાડીને સ્પષ્ટતા કરતા કહ્યું કે, તેમને આ કંપની સાથે કોઇ જ લેવાદેવા નથી.